‘ఆర్.ఆర్.ఆర్’నుంచి ఎన్టీఆర్ లుక్.. ముహూర్తం ఫిక్స్ !

రామ్ చరణ్, ఎన్టీఆర్ కథానాయకులుగా దర్శకధీరుడు రాజమౌళి దర్శకత్వంలో తెరకెక్కుతోన్న చిత్రం ‘ఆర్.ఆర్.ఆర్’. వచ్చే యేడాది జులై 30న ఆర్ఆర్ఆర్ ప్రేక్షకుల ముందుకురానుంది. ఐతే, ఇప్పటి వరకు ఈ సినిమా నుంచి ఓ లుక్కు, పిక్కు రాకపోవడంపై నందమూరి, మెగా అభిమానులు నిరాశలో ఉన్నారు. ఈ నేపథ్యంలో ఆర్ ఆర్ ఆర్ నుంచి ఓ లుక్ ని వదిలడానికి జక్కన్న ప్లాన్ చేసినట్టు సమాచారమ్. అక్టోబర్ 22న కొమరం భీమ్ జన్మదినం. సందర్భంగా కొమరం భీమ్ గా తారక్ లుక్ ని విడుదల చేయబోతున్నట్టు తెలుస్తోంది. దానికి సంబంధించిన పనులు ఇప్పటికే మొదలెట్టారట.

ఇందులో చరణ్ అల్లూరి సీతారామరాజుగా, ఆయనకి జోడిగా బాలీవుడ్ బ్యూటీ అలియా భట్ నటిస్తున్నారు. కొమరం భీమ్ గా తారక్ నటిస్తున్నారు. ఆయన పక్కన హీరోయిన్ ఇంకా ఖరారు కాలేదు. ముందుగా తారక్ కోసం హాలీవుడ్ హీరోయిన్ డైసీ ఎడ్గర్ జోన్స్ ని తీసుకొన్నారు. ఆమె తప్పుకోవడంతో.. మరో హాలీవుడ్ హీరోయిన్ కోసం రాజమౌళి ట్రై చేస్తున్నారు. హాలీవుడ్ యంగ్ హీరోయిన్ ని తీసుకొన్నారని చెబుతున్నారు. ఆ విషయాన్ని చిత్రబృందం అధికారికంగా ప్రకటించాల్సి ఉంది. ఈ చిత్రాన్ని దాదాపు రూ. 450కోట్ల బడ్జెట్ తో డివివి దానయ్య నిర్మిస్తున్నారు.