పెహల్వాన్‌’తో సుల్తాన్ స్నేహం చూశారా ?
బాలీవుడ్‌ కండల వీరుడు సల్మాన్ ఖాన్‌ తాజా చిత్రం ‘దబాంగ్ 3’. ప్రభుదేవా దర్శకత్వం వహిస్తున్నారు. సోనాక్షి సిన్హా కథానాయిక. ‘దబాంగ్’ సీక్వెల్‌లో భాగంగా వస్తోన్న చిత్రమిది. ఇందులో కన్నడ స్టార్ సుదీప్ కీలక పాత్రలో నటిస్తున్న సంగతి తెలిసిందే. ఈ సినిమా షూటింగ్ సమయంలో సల్లూభాయ్‌కు సుదీప్‌తో మంచి స్నేహం ఏర్పడింది. ఈ విషయాన్ని తెలుపుతూ సుదీప్ ట్విటర్‌లో ఓ చక్కటి ఫొటోను షేర్‌ చేశారు. ఇందులో సుదీప్, సల్మాన్ కుస్తీపడుతూ కనిపించారు.
“ఇది సినిమా పోస్టర్‌ కాదు. సల్మాన్ ప్రేమిస్తే ఇలా బంధం ఏర్పరచుకుంటారు. మీ జీవితంలో నాకూ చోటు ఇచ్చినందుకు థాంక్స్‌ సల్మాన్ ఖాన్‌ సర్‌. దీన్ని గౌరవం, ఆశీర్వాదంగా భావిస్తున్నా” అని సుదీప్ ట్వీట్‌ చేశారు. ప్రస్తుతం దబాంగ్ 3 జెడ్ స్పీడుతో షూటింగ్ జరుపుకుంటోంది. డిసెంబరు 20న సినిమా హిందీతోపాటు తెలుగు, తమిళం, కన్నడ, మలయాళ భాషల్లో విడుదల కాబోతోంది.
No this isn't another poster ….💪🏼
This is jus how he bonds if he luvs. 🤗🤗
Thank u @BeingSalmanKhan sir,,
For the place u have given me in ur life. Im honoured & blessed.#pailwaan. pic.twitter.com/NRvaSvguTX— Kichcha Sudeepa (@KicchaSudeep) August 24, 2019
