‘సాహో’ థియేటర్ వద్ద విషాదం

సాహో థియేటర్ వద్ద విషాదం చోటు చేసుకొంది. ప్రభాస్ అభిమాని మృతి చెందాడు. వివరాల్లోకి వెఌతే.. ‘సాహో’ ఈ శుక్రవారం (ఆగస్టు 30) ప్రేక్షకుల ముందుకు రానుంది. ఈ నేపథ్యంలో సాహో పోస్టర్స్, బ్యానర్స్ తో థియేటర్స్ ముస్తాబువుతున్నాయి.
మహబూబ్ నగర్‌లోని తిరుమల థియేటర్ వద్ద ఓ అభిమాని బ్యానర్ కడుతుండగా.. ప్రమాదవశాత్తు కరెంట్ తీగలకు తగిలి విద్యుత్ షాక్‌కు గురయ్యాడు. అక్కడికక్కడే కుప్పకూలి మరణించాడు. మృతుడి వివరాలు తెలియాల్సి ఉంది.

‘సాహో’ రిలీజ్ నేపథ్యంలో ఉత్సాహంతో ఉన్న ప్రభాస్ అభిమానులకి ఈ ప్రమాద ఘటన షాక్ కి గురిచేందని చెప్పాలి. ప్రమాద విషయం తెలియగానే భారీగా ప్రభాస్ అభిమానులు తిరుమల థియేటర్ వద్దకు చేరుకొన్నారు. ఇక థియేటర్ యాజమాన్యం ఇచ్చిన ఫిర్యాదుతో పోలీసులు ఘటనా స్థలానికి చేరుకొని.. కేసు నమోదు చేసుకొన్నారు.

సుజీత్ దర్శకత్వంలో సాహో తెరకెక్కింది. ఇందులో ప్రభాస్ కి జోడిగా బాలీవుడ్ బ్యూటీ శ్రద్దా కపూర్ నటించింది. ఓ ప్రత్యేక గీతంలో జాక్వెలిన్ ఫెర్నాండెజ్ మెరిసింది. ఈ యాక్షన్ థ్రిల్లర్ దాదాపు రూ. 350కోట్ల బడ్జెట్ తో యూవీ క్రియేషన్స్ నిర్మించింది. బాహుబలి తర్వాత టాలీవుడ్ నుంచి రాబోతున్న భారీ బడ్జెట్ చిత్రమిది. బాహుబలి తర్వాత ప్రభాస్ నటించిన సినిమా కూడా ఇదే కావడం విశేషం.