తరుణ్ భాస్కర్ ‘మీకు మాత్రమే చెప్తా’డట !
విజయ్ దేవరకొండకు ‘పెళ్లి చూపులు’ ఏర్పాటు చేసిన దర్శకుడు తరుణ్ భాస్కర్. పెళ్లి చూపులు సూపర్ హిట్ అయ్యాయి. పెళ్లి కొడుకు విజయ్ దేవరకొండ ఆ తర్వాత స్టార్ హీరో అయ్యాడు. ఐతే తనకి హీరోగా జీవితాన్ని ఇచ్చిన దర్శకుడి రుణం తీర్చుకోబోతున్నాడు విజయ్. తరుణ్ భాస్కర్ ని హీరోగా పెట్టి సొంత బ్యానర్ లో సినిమా తీసుకొస్తున్నారు.
ఈ సినిమాకు ‘మీకు మాత్రమే చెప్తా’ అనే విభిన్నమైన టైటిల్ ని పెట్టారు. తాజాగా ఫస్ట్ లుక్ ని కూడా వదిలారు. టైటిల్ మాదిరిగానే ఫస్ట్ లుక్ ని డిఫరెంట్ గా డిజైన్ చేశారు. ఒక స్మార్ట్ ఫోన్ డిస్ ప్లే లుక్ లో సెట్ చేసిన పోస్టర్ సరికొత్తగా ఉంది. ఇక మై బెస్ట్ ఫ్రెండ్స్ సీక్రెట్స్ అనే ట్యాగ్ తో తరుణ్ భాస్కర్ అలాగే మరోప్ ఇద్దరు కమెడియన్స్ మొబైల్స్ తో ఆశ్చర్యంగా ఇచ్చిన స్టిల్స్ చూస్తుంటే ఇది కితకితలు పెట్టే సినిమాలా ఉంది. ఈ చిత్రానికి కొత్త దర్శకుడు శమ్మిర్ దర్శకత్వం వహిస్తున్నారు. త్వరలోనే సినిమాని రిలీజ్ చేయనున్నారు.
