సాహో పేటియం రికార్డ్

రిలీజ్ కి ముందే రికార్డుల వేట మొదలైంది సాహో. బాహుబలి తర్వాత టాలీవుడ్ నుంచి వస్తోన్న భారీ బడ్జెట్ చిత్రమిది. బాహుబలి తర్వాత ప్రభాస్ నటించిన సినిమా కూడా ఇదే. ఈ చిత్రానికి సుజీత్ దర్శకుడు. శ్రద్దా కపూర్ హీరోయిన్. దాదాపు రూ. 350కోట్ల భారీ బడ్జెట్ తో యూవీ క్రియేషన్స్ నిర్మించింది. భారీ అంచనాలమ మధ్య సాహో రేపు (శుక్రవారం) ప్రేక్షకుల ముందుకు రానుంది.

ఈ నేపథ్యంలో అభిమానులు సాహో ఫీవర్ తో ఊగిపోతున్నారు. ఫస్ట్ షోలోనే సాహోని చూసేందుకు ఉత్సాహం చూపిస్తున్నారు. దీని కోసం టికెట్ ధర ఎంతైనా వెనకాడటం లేదు. ఈ నేపథ్యంలో ఆన్ లైన్ లో సాహో టికెట్స్ రికార్డ్ స్థాయిలో అమ్ముడుపోతున్నాయి. ప్రముఖ ఆన్లైన్ పేమెంట్ సంస్థ పేటియంలో సాహో చిత్రం సంచలనం సృష్టించింది. పేటియంలో ఏకంగా 10 లక్షల సాహో చిత్ర టికెట్లు అమ్ముడయ్యాయి. దీన్నిబట్టీ సాహో సినిమాపై ప్రేక్షకుల్లో ఏ రేంజ్ లో అంచనాలున్నాయన్నది అర్థం చేసుకోవచ్చు.