‘మీకు మాత్రమే చెప్తా’ మేకింగ్ వీడియో.. చూశారా ?

తరుణ్ భాస్కర్ దర్శకత్వంలో విజయ్ దేవరకొండ నటించిన ‘పెళ్లి చూపులు’ సూపర్ హిట్ అయింది. ఈ సినిమాతోనే విజయ్ వెలుగులోకొచ్చాడు. ఆ తర్వాత అర్జున్ రెడ్డి బ్లాక్ బస్టర్ హిట్ తో స్టార్ హీరో అయ్యాడు. ఐతే తనకి హీరోగా జీవితాన్ని ఇచ్చిన దర్శకుడి రుణం తీర్చుకోబోతున్నాడు విజయ్. తరుణ్ భాస్కర్ ని హీరోగా పెట్టి సొంత బ్యానర్ లో సినిమా తీసుకొస్తున్నారు. అదే ‘మీకు మాత్రమే చెప్తా’. ఇటీవలే విడుదల చేసిన ఈ సినిమా ఫస్ట్ లుక్ కి మంచి స్పందన దక్కింది.

ఇప్పుడీ సినిమా టీజర్ రెడీ అవుతోంది. ఈ సాయంత్రం 6 గంటల 2 నిముషాలకు ఈ టీజర్ విడుదలకానుంది. అంకంటే ముందే ఈ సినిమా మేకింగ్ వీడియోని విడుదల చేసింది చిత్రబృందం. ఇందులో విజయ్ దేవరకొండ ఫోన్ లో తరుణ్ భాస్కర్ తో మాట్లాడుతున్నారు. ఈ చిత్రబృందాన్ని చూస్తే మనమే గుర్తుస్తున్నాం. పెళ్లి చూపులు సమయంలో మనలో కనిపించిన కసి వీళ్లలో కనిపిస్తోందని చెప్పడం చూడొచ్చు. ఇక, ఈ చిత్రంలో అనసూయ భరద్వాజ్, అభినవ్ గోమటం, పావని గంగిరెడ్డి, నవీన్ జార్జ్ థామస్, వాణి భోజన్ కీలక పాత్రలు చేస్తున్నారు. ఈ చిత్రానికి కొత్త దర్శకుదు షమ్మీర్ సుల్తాన్ దర్శకత్వ వహిస్తున్నారు.