భారత్ లో.. ఐఫోన్ 11 ధరెంత ?

సరికొత్త ఐఫోన్లు వచ్చేశాయ్. మంగళవారం కాలిఫోర్నియాలో జరిగిన కార్యక్రమంలో ఐఫోన్ 11, ఐఫోన్ 11 ప్రో, ఐఫోన్ 11 ప్రో మ్యాక్స్ లను కంపెనీ సీఈవో టిమ్ కుక్ విడుదల చేశారు. ఈ ఫోన్ల భారత ధరలను తాజాగా యాపిల్ ప్రకటించింది.

ఐఫోన్ 11 మొత్తం మూడు వేరియంట్లలో లభించనుంది. 64జీబీ వేరియంట్ ధర రూ. 64,900 కాగా.. 128 జీబీ వేరియంట్ ధర రూ. 69,900, 256జీబీ వేరియంట్ ధర రూ. 79,900గా నిర్ణయించింది. ఇక ఐఫోన్ 11 ప్రో ధర రూ. 99,900, ఐఫోన్ 11 ప్రో మ్యాక్స్ ధర రూ. 1,09,900గా ఉండనున్నట్లు యాపిల్ వెల్లడించింది. అమెరికా సహా ఇతర దేశాల్లో ఈ నెల 20 నుంచి వీటి విక్రయాలు ప్రారంభం కానున్నాయి.  భారత్ లో మాత్రం సెప్టెంబరు 27 నుంచి కొత్త ఐఫోన్లు వినియోగదారులకు అందుబాటులో రానున్నాయి.