డిసెంబర్’లోనే పండగ !

పండగ ముందుగానే చేసుకోబోతున్నాడు మెగా యంగ్ హీరో సాయిధరమ్ తేజు. మారుతి దర్శకత్వంలో ఆయన నటిస్తున్న చిత్రం ‘ప్రతిరోజు పండగే’. రాశీఖన్నా కథానాయిక. థమన్ సంగీతం అందిస్తున్నారు. గీతా ఆర్ట్స్ 2, యువీ క్రియేషన్స్ సంస్థలు సంయుక్తంగా నిర్మిస్తున్నాయి. తాజాగా ఈ సినిమా మోషన్ పోస్టర్ ని విడుదల చేసింది చిత్రబృందం. చాలా కూల్ గా ఉంది ఫస్ట్ లుక్.

పచ్చని వాతావరణం.. చిరు జల్లులు కురుస్తుండగా గొడుగులు పట్టుకొని ఆనందంతో గెత్తేస్తున్న సత్యరాజ్, సాయిధరమ్ తేజ్ పోస్టర్ ని ఫస్ట్ లుక్ గా విడుదల చేశారు. మోషన్ పోస్టర్ లో థమన్ అందించిన నేపథ్య సంగీతం బాగుంది. మొత్తంగా.. మోషన్ పోస్టర్ తోనే పండగ మూడుని క్రియేట్ చేశారు. ఇక, టైటిల్ కి తగ్గట్టే.. ఈ చిత్రాన్ని సంక్రాంతికి ప్రేక్షకుల ముందుకు తీసుకురావాలని అనుకొన్నారు. కానీ సంక్రాంతి రేసులో మహేష్, అల్లు అర్జున్ సినిమాలు ఉండటంతో.. క్రిస్మస్ కానుకగా రిలీజ్ చేయబోతున్నారనే ప్రచారం జరిగింది. ఇప్పుడది నిజమైంది. ఫస్ట్ లుక్ లోనే డిసెంబర్ లో రిలీజ్ అని ప్రకటించారు.