విశాల్ ‘యాక్షన్’ టీజర్ చూశారా ?
సి. సుందర్ దర్శకత్వంలో విశాల్-తమన్నా జంటగా నటిస్తున్న చిత్రం ‘యాక్షన్’. ఐశ్వర్య లక్ష్మి, యోగిబాబు, ఆకాంక్ష పూరి, కబీర్ దుహాన్ సింగ్ తదితరులు కీలక పాత్రలో నటిస్తున్నారు. తాజాగా యాక్షన్ టీజర్ ని విడుదల చేశారు. అద్భుతమైన విజువల్స్, భారీ ఛేజింగ్ సన్నివేశాలతో సినిమాను రూపొందిస్తున్నట్లు టీజర్ ను చూస్తే అర్థమవుతోంది. విశాల్ బైక్ ను ఒంటి చేత్తో తిప్పి, ఎక్కడం హైలైట్ గా నిలిచింది. సినిమా షూటింగ్ దాదాపు విదేశాల్లో జరిగినట్లు తెలుస్తోంది.
ఈ చిత్రానికి హిప్ హాప్ తమిళ సంగీతం అందిస్తున్నారు. ఆర్ రవీంద్రన్ నిర్మాత. త్వరలో చిత్రం ప్రేక్షకుల ముందుకు రాబోతోంది. ఈ సినిమా కంటే ముందు తమన్నా నటించిన రెండు సినిమాలు ప్రేక్షకుల ముందుకు రానున్నాయి. తమన్నా నటించిన సైరా నరసింహారెడ్డి అక్టోబరు 2న విడుదల కాబోతోంది. ఆమె టైటిల్ రోల్ లో నటించిన బాలీవుడ్ క్వీన్ తెలుగు రిమేక్ ‘దట్ ఈజ్ మహాలక్ష్మి’ పోస్ట్ ప్రొడక్షన్ పనులు జరుపుకొంటోంది.
