‘ఎవరు’ సినిమాని ఇక ఆన్ లైన్ లో చూసేయండీ !
అడవిశేష్, రెజీనా, నవీన్‌ చంద్ర ప్రధాన పాత్రల్లో నటించిన చిత్రం ‘ఎవరు’. ఈ చిత్రానికి వెంకట్‌ రాంజీ దర్శకత్వం వహించారు. పివిపి నిర్మించారు. ఆగస్టు 15 కానుకగా ప్రేక్షకుల ముందుకొచ్చిన ‘ఎవరు’ సూపర్ హిట్ అయింది. కేవలం రూ. 4కోట్ల బడ్జెట్ తో తెరకెక్కిన ఈ చిత్రం నాలుగు వారాల్లోనే రూ. 11.96 షేర్ ని కలెక్ట్ చేసింది. తెలుగు రాష్ట్రాల్లోనే రూ. 9.81కోట్లు వసూలు చేసింది.
క్షణం తర్వాత పివిపి బ్యానర్ కు అడివిశేష్ అందించిన మరో బ్లాక్ బస్టర్ హిట్ ‘ఎవరు’ అని చెప్పవచ్చు. డబుల్ లాభాలు తీసుకొచ్చింది. ఇక ఇప్పుడు ఎవరు సినిమా అమెజాన్ ప్రైమ్ లో అందుబాటులోకి వచ్చింది. ఈ మధ్య సినిమా విడుదలైన నెలరోజుల్లో అమెజాన్ ప్రైమ్ లోకి తీసుకొస్తున్న సంగతి తెలిసిందే. ఎవరు కూడా ప్రేక్షకులకి ఆన్ లైన్ లో అందుబాటులోకి వచ్చేసింది.
