యంగ్  హీరోయిన్ తో రాజశేఖర్ రొమాన్స్ !

ఇండస్ట్రీలో హీరోయిన్స్ కొరత ఉంది. ఒకరిద్దరు స్టార్ హీరోలని వరుసపెట్టి వాడేస్తున్నారు. ఇక సీనియర్ హీరోలకి హీరోయిన్స్ దొరకడం కష్టంగా మారింది. ఈ నేపథ్యంలో సీనియర్ హీరో రాజశేఖర్ కి యంగ్ హీరోయిన్ తో రొమాన్స్ చేసే ఛాన్స్ దొరికింది. కల్కీ తర్వాత రాజశేఖర్ చేయబోయే సినిమా ఫిక్సయింది. ప్రదీప్ కృష్ణమూర్తి దర్శకత్వంలో రాజశేఖర్ సినిమా తెరకెక్కనుంది.

ఈ సినిమాకు జాన్ మహేంద్రన్ స్క్రిప్ట్, తదితర గ్రౌండ్ వర్క్ అంతా చేయడం విశేషం. జాన్ మహేంద్రన్ తమిళంలో మంచి దర్శకుడు, మాటల రచయితగా పేరు తెచ్చుకున్నారు. ఆయన, ఆయన టీమ్ కలిసి అందిస్తున్న స్క్రిప్ట్, డైలాగ్ వెర్షన్ నే, ప్రదీప్ సినిమాగా రూపొందించబోతున్నారు. ఈ సినిమాకు నిర్మాత క్రియేటివ్ ఎంటర్ టైనర్స్, అండ్ డిస్ట్రిబ్యూటర్స్ జి ధనుంజయన్. 

ఈ సినిమాకు హీరోయిన్ గా  నందిత శ్వేతను తీసుకొన్నారు. ఎక్కడికిపోతావు చిన్నివాడా, ప్రేమకథాచిత్రమ్ 2, అభినేత్రి 2, 7 వంటి సినిమాలతో నందిత శ్వేత మంచి నటి అనిపించుకొంది. ఐతే తెలుగులో బిజీ హీరోయిన్ కాలేకపోయింది. తాజా రాజశేఖర్ సినిమాలో నటించేందుకు ఓకే చెప్పింది.