ఎన్టీఆర్ పోరాటం ముగిసింది

యంగ్ టైగర్ ఎన్టీఆర్ పోరాటం ముగిసింది. ఆయన కొద్దిరోజులుగా బల్గేరియాలో యుద్ధం చేస్తున్నారు. రాజమౌళి దర్శకత్వంలో ఎన్టీఆర్, రామ్ చరణ్ కథానాయకులుగా నటిస్తున్న చిత్రం ‘ఆర్ఆర్ఆర్’. ఇందులో తారక్ కోమరం భీమ్ గా, చరణ్ అల్లూరి సీతారామరాజుగా నటిస్తున్నారు. ఈ సినిమా షూటింగ్ లో భాగంగా చిత్రబృందం బల్గేరియా వెళ్లింది. అక్కడ తారక్ పై కొన్ని యాక్షన్ సీన్స్ తో పాటు కీలక సన్నివేశాలు తెరకెక్కించారు. ఆ షెడ్యూల్ ని పూర్తి చేసుకొని చిత్రబృందం ఆదివారం హైదరాబాద్ వచ్చేసింది.

ఆదివారం శంషాబ్ వినాశ్రాయంలో తారక్ సతీసమేతంగా కనిపించారు. దాంతో ఆర్ ఆర్ ఆర్ బల్గేరియా షెడ్యూల్ ముగిసిందని స్పష్టత వచ్చినట్టయింది. ఇక త్వరలోనే ఆర్ ఆర్ ఆర్ తదుపరి షెడ్యూల్ ప్రారంభం కానుంది. ఈ షెడ్యూల్ లో రామ్ చరణ్ పాల్గొంటారని తెలుస్తోంది. ఆయనతో పాటు అలియా భట్ పాల్గొననున్నారు. ఇక ఈ చిత్రంలో అజయ్ దేవగణ్, సముద్రఖని తదితరులు కీలక పాత్రల్లో నటిస్తున్నారు. వచ్చే యేడాది జులై 30న ఆర్ ఆర్ ఆర్ ప్రేక్షకుల ముందుకు రానుంది.