‘సాండ్‌ కీ ఆంఖ్‌’ ట్రైలర్ టాక్
టాలీవుడ్ పెద్దగా కలిసిరాని తాప్సీకి బాలీవుడ్ మాత్రం బాగానే అచ్చొచ్చింది. అక్కడ మంచి నటి అనిపించుకొంది. వరుస సినిమాల్లో నటిస్తోంది. తాప్సి, భూమి పెడ్నేకర్‌ ప్రధాన పాత్రల్లో నటిస్తున్న చిత్రం ‘సాండ్‌ కీ ఆంఖ్‌’. ప్రపంచంలోనే వయో వృద్ధులైన షూటర్లుగా పేరు తెచ్చుకున్న ప్రకాషి తోమర్‌, చంద్రో తోమర్‌ అనే మహిళల జీవితం ఆధారంగా తెరకెక్కిన చిత్రమిది.
ఈ చిత్రంలో 82 ఏళ్ల ప్రకాషి తోమర్‌గా తాప్సి, 87 ఏళ్ల చంద్రో తోమర్‌గా భూమి కనిపించనున్నారు. ఈ తుషార్‌ హీరానందని దర్శకత్వం వహిస్తున్నారు. అనురాగ్‌ కశ్యప్‌ నిర్మిస్తున్నారు. తాజాగా ఈ సినిమా ట్రైలర్ ని విడుదల చేసింది చిత్రబృందం. భూమి, తాప్సి తుపాకీ పట్టుకుని సులభంగా టార్గెట్‌ బోర్డ్‌కు గురి పెట్టి, కాలుస్తూ అందర్నీ ఆశ్చర్యపరిచారు. వరుసగా విజయాలు సాధిస్తూ.. మెడల్స్‌ సొంతం చేసుకుంటూ రికార్డు సృష్టిస్తారు. ఇంత బాగా షూట్‌ చేస్తున్నారు.. మీ వయసు ఎంత? అని మీడియా ప్రశ్నించగా… ‘మా వయసు కచ్చితంగా తెలియదు. కానీ, 60 ఏళ్లకు దగ్గరగా ఉండొచ్చు. మహిళలు ఎప్పుడూ వయసు చెప్పుకోవడానికి ఇబ్బంది పడరు..’ అంటూ తాప్సి, భూమి చెప్పే సమాధానం చెప్పడం ట్రైలర్ లో చూడొచ్చు.
