అల.. సప్రైజ్ ప్లాన్ చేశారు !
స్టయిలీష్ స్టార్ అల్లు అర్జున్ అభిమానులకి ఓ సప్రైజ్ రాబోతుంది. త్రివిక్రమ్-అల్లు అర్జున్ కాంబోలో తెరకెక్కుతోన్న హ్యాట్రిక్ చిత్రం ‘అల.. వైకుంఠపురంలో’. పూజా హెగ్డే కథానాయిక. థమన్ సంగీతం అందిస్తున్నారు. గీతా ఆర్ఠ్స్, హారిక & హాసినీ క్రియేషన్స్ సంయుక్తంగా నిర్మిస్తున్నాయి. వచ్చే యేడాది సంక్రాంతి కానుకగా ప్రేక్షకుల ముందుకు రానుంది. కాగా ఈ సినిమా నుంచి అభిమానులకు ఓ సర్‌ప్రైజ్‌ రాబోతోందని నిర్మాతలు ప్రకటించారు. థమన్ పోస్టర్‌ ఒకటి వదిలారు. దాని మీద ఎలాంటి అప్ డేట్ ఇవ్వలేదు. బహుశా.. సినిమా ప్రమోషనల్‌ వీడియోను విడుదల చేయబోతున్నట్లు తెలుస్తోంది.
ఇందులో థమన్ మాత్రమే కనిపిస్తారా ? ఆయనతో కలిసి అల్లు అర్జున్ కూడా మెరుస్తారా ?? అన్నది సస్పెన్స్. గతంలో త్రివిక్రమ్-బన్నీ కలయికలో వచ్చిన జులాయ్, సన్నాఫ్ సత్యమూర్తి సినిమాలు సూపర్ హిట్ అయ్యాయ్. ఈ నేపథ్యంలో వీరి కాంబోలో వస్తున్న హ్యాట్రిక్ చిత్రం అల.. వైకుంఠపురంలో సినిమాపై ప్రేక్షకుల్లో భారీ అంచనాలున్నాయి. ఈ సినిమా నుంచి ఇప్పటి వరకు వచ్చిన రెండు పోస్టర్స్ లో బన్నీ రెండు షేడ్స్ లో కనిపిస్తున్నారు. టీజర్, ట్రైలర్ వస్తే గానీ స్టోరీ లైన్ ఏంటన్నది తెలిసేలా లేదు.
