అఫీషియల్ : యాక్షన్ లోకి తమన్నా

మిల్కీ బ్యూటీ తమన్నా అందాలకి ఫిదా అయిన దర్శకుడు సంపత్ నంది. ఆయన దర్శకత్వంలో రామ్ చరణ్-తమన్నా జంటగా ‘రచ్చ’ సినిమా వచ్చిన సంగతి తెలిసిందే. ఇందులో తమ్మూ గ్లామర్ నే హైలైట్. ఆ తర్వాత రవితేజ ‘బెంగాల్ టైగర్’లోనూ తమ్మన్నా హీరోయిన్ గా చేసింది. ఇందులోనూ తమ్మూని బాగా వాడుకొన్నాడు సంపత్ నంది. ఆమెని చాలా అందంగా చూపించారు.  ఇక ముచ్చటగా మూడోసారి తమన్నా అందాలని నమ్ముకొన్నాడు.. ఈ దర్శకుడు. గోపీచంద్ 28వ సినిమా సంపత్‌ నంది దర్శకత్వంలో తెరకెక్కుతోన్న సంగతి తెలిసిందే. ఈ సినిమా కోసం తమ్మూని తీసుకొన్నారనే ప్రచారం జరిగింది. ఇప్పుడీ ప్రచారం నిజమైంది.

గోపీచంద్ సినిమా కోసం తమ్మూని తీసుకొన్నట్టు సంపత్ నంది ప్రకటించారు. “బ్యూటిఫుల్‌, అరుదైన నటి తమన్నాకు స్వాగతం. మనం ‘రచ్చ’, ‘బెంగాల్‌ టైగర్‌’ మ్యాజిక్‌ను మరోసారి క్రియేట్‌ చేస్తామని ఆశిస్తున్నా”నని ట్విట్ చేశారు సంపత్ నంది.ఈ చిత్రానికి ఇంకా టైటిల్‌ ఖరారు కాలేదు. ఈ సినిమాను శ్రీనివాస సిల్వర్ స్క్రీన్ సంస్థ నిర్మిస్తోంది. ప్రస్తుతం గోపీచంద్ చాణక్య సినిమాతో బిజీగా ఉన్నాడు. దసరా కానుకగా అక్టోబర్ 5న చాణక్య ప్రేక్షకుల ముందుకు రానుంది. ఈ సినిమా తర్వాత కొత్త దర్శకుడు బిను సుబ్రమణ్యం దర్శకత్వంగో గోపీ సినిమా ఉండనుంది. ఆ తర్వాత సంపత్ నంది సినిమా తెరకెక్కనుంది.