గ్రేట్ : హైదారాబాద్ లో ‘దబాంగ్ 3’ ప్రీ-రిలీజ్ ఫంక్షన్
సల్మాన్ ఖాన్ హీరోగా 2010లో వచ్చిన దబాంగ్ సంచలన విజయం నమోదు చేసింది. దర్శకుడు అభినవ్ కశ్యప్ సల్మాన్ ని చుల్ బుల్ పాండే అనే ఓ వైవిధ్యమైన పోలీస్ పాత్రలో చూపించి తన ఫ్యాన్స్ ని ఫిదా చేశాడు. ఈ చిత్రంతోనే హీరోయిన్ సోనాక్షి సిన్హా వెండి తెరకు పరిచయమయ్యారు. కాగా ఈ చిత్రానికి కొనసాగింపుగా దబాంగ్ 2 కూడా వచ్చింది యావరేజ్ అనిపించుకొంది. ఇప్పుడీ సిరీస్ లో మూడో చిత్రంగా దబాంగ్ 3 తెరకెక్కుతోన్న సంగతి తెలిసిందే. ఈ చిత్రానికి ప్రభుదేవా దర్శకత్వం వహిస్తున్నారు. సోనాక్షి సిన్హా హీరోయిన్. కన్నడ స్టార్ హీరో కిచ్చ సుదీప్ విలన్ గా నటిస్తున్నారు. టాలీవుడ్ కమెడియన్ అలీ కానిస్టేబుల్ పాత్రలో నటిస్తున్నారు.
డిసెంబర్ 20 దబాంగ్ 3 ప్రేక్షకుల ముందుకు రానుంది. ఐతే, ఇప్పటి నుంచే సినిమా ప్రమోషన్స్ మొదలెట్టడం విశేషం. నిన్ననే ‘చుల్ బుల్ పాండే ఈజ్ బ్యాక్.. ‘ సల్మాన్ ఓ వీడియోని విడుదల చేసిన సంగతి తెలిసిందే. ఇందులో తన కామెడీ టైమింగ్ తో అదరగొట్టాడు. ఇప్పటి నుంచి చుల్ బుల్ పాండే ప్రమోషన్స్ మొదలయ్యాయ్. డిసెంబర్ 20వరకు, ఆ తర్వాత కూడా కొనసాగుతాయని తెలిపారు. తాజాగా దబాంగ్ 3 హైదరాబాద్ టూర్ కి సంబంధించిన ఫోస్టర్ ని సోనాక్షి సిన్హా తన ట్విట్టర్ ఖాతాలో పోస్ట్ చేశారు. నవంబర్ 2న హైదరాబాద్ లోని ఎల్భీ స్టేడియంలో దబాంగ్ 3 జరగనుందని పోస్టర్ లో తెలిపారు. ఈ ఫంక్షన్ కోసం టికెట్స్ ఈవెంట్స్ నవ్ వెబ్ సైట్ లో బుక్ చేసుకోవచ్చని తెలిపారు.
Hyderabad!! Get ready #DabanggTheTour is coming to rock your city on 2nd November at L.B Stadium,Hyderabad #DabanggTheTourHyderabad #Babaelaichi #FarhathHussain #SigmaInfratech #TelanganaTourism #Lunettes #Eventsnow #Fever943Fm #DabanggHyderabadHungama #megamedia pic.twitter.com/XAjSz3qMQd
— Sonakshi Sinha (@sonakshisinha) October 2, 2019
