బన్నీకి షాక్ ఇచ్చిన మహేష్
సూపర్ స్టార్ మహేష్ బాబు స్టయిలీష్ స్టార్ అల్లు అర్జున్ కి సవాల్ విసిరాడు. అనడం కన్నా షాక్ ఇచ్చాడని చెప్పాలి. బన్నీ ‘అల.. వైకుంఠపురంలో’, మహేశ్ ‘సరిలేరు నీకెవ్వరు’ వచ్చే యేడాది సంక్రాంతి కానుకగా ప్రేక్షకుల ముందుకు రాబోతున్న సంగతి తెలిసిందే. కొద్దిసేపటి క్రితమే ‘అల.. వైకుంఠపురంలో’ రిలీజ్ డేటుని అధికారికంగా ప్రకటించారు. జనవరి 12, 2020న విడుదల చేయబోతున్నట్టు పోస్టర్ ని వదిలారు. అల.. రిలీజ్ డేటు ఖరారైన కొద్దిసేపటికే మహేశ్ ‘సరిలేరు నీకెవ్వరు’ సినిమా రిలీజ్ డేటుని ప్రకటించడం విశేషం.
మహేష్ కూడా సరిగ్గా జనవరి 12నే ప్రేక్షకుల ముందుకు రాబోతున్నట్టు ప్రకటించారు. ఈ నేపథ్యంలోనే మహేష్ బన్నీకి సవాల్ విసిరినట్టు అనిపిస్తోంది. ఇద్దరు స్టార్స్ సినిమాలు ఒకే రోజు ప్రేక్షకుల ముందుకు వస్తే.. ఆ హాట్ మాములుగా ఉండదు. కనీసం ఒకట్రెండు రోజులు తేడాతో వస్తే ఇద్దరికీ బాగుండేది. వాస్తవానికి అల.. వైకుంఠపురంలో సినిమాకి ముందు నుంచి జనవరి 12 డేటునే వినిపించింది. చివరికి అదే ఫైనల్ చేశారు. ఇక సరిలేరు నీకెవ్వరు సినిమా కోసం జనవరి 11 లేదంటే జనవరి 14 డేటు వినిపించింది. కానీ, మహేష్ కూడా జనవరి 12 డేటుని ఫిక్స్ చేసి షాక్ ఇచ్చాడని చెప్పాలి.
త్రివిక్రమ్ దర్శకత్వంలో అల.. వైకుంఠపురంలో తెరకెక్కుతోంది. పూజా హెగ్డే కథానాయిక. త్రివిక్రమ్-బన్నీ కలయికలో వస్తోన్న హ్యాట్రిక్ చిత్రమిది. ఈ నేపథ్యంలో అల.. పై భారీ అంచనాలున్నాయి. అనిల్ రావిపూడి దర్శకత్వంలో మహేష్ సరిలేరు నీకెవ్వరు తెరకెక్కుతోంది. ఎఫ్ 2 తర్వాత అనిల్ చేస్తున్న చిత్రమిది. రష్మిక మందన కథానాయిక. మొత్తానికి.. సంక్రాంతి సినిమాల హీట్ ఇప్పటి నుంచే మొదలైపోయింది.
It's official… #SarileruNeekevvaru in cinemas from Jan 12th, 2020!! This Sankranti will be my biggest and most special :):)
Thankyou @anilravipudi 🤗@vijayashanthi_m @iamRashmika @thisisDSP @RathnaveluDop @GMBents @AnilSunkara1 @AKentsOfficial @SVC_official pic.twitter.com/Q7l0BPTH74— Mahesh Babu (@urstrulyMahesh) October 12, 2019
