వర్మ.. భలే లాజిక్ పట్టాడు !

దర్శకుడు రామ్ గోపాల్ వర్మ క్రియేటివిటీ గురించి కొత్తగా చెప్పేదేముంది. ఏపీ సీఎం వైఎస్ జగన్, మెగాస్టార్ చిరంజీవి భేటీ విషయంలోనూ వర్మ మంచి లాజిక్ పట్టాడు. సోమవారం మధ్యాహ్నం చిరంజీవి తన భార్య సురేఖతో కలిసి తాడేపల్లిలోని జగన్ నివాసానికి వెళ్లారు. చిరు దంపతులను సాదరంగా ఆహ్వానించిన జగన్.. వారితో కలిసి లంచ్ కూడా చేశారు. ఈ భేటీపై వర్మ తనదైన శైలిలో స్పందించారు.

“వావ్.. 151తో 151` అంటూ ట్వీట్ చేశారు. 151 ఎమ్మెల్యే సీట్లు సాధించి ప్రభుత్వం ఏర్పాటు చేసిన జగన్‌తో 151 సినిమాలు చేసిన చిరంజీవి కలయిక అని అర్థం వచ్చేలా వర్మ ట్వీట్ చేశారు. ఇటీవల జరిగిన ఏపీ అసెంబ్లీ ఎన్నికల్లో వైసీపీ 151స్థానాలు గెలుచుకొంది. ఇక ఖైదీ నెం. 150తో మెగాస్టార్ చిరంజీవి సినిమాల్లోకి రీ ఎంట్రీ ఇచ్చారు. ఆయన 151 చిత్రంగా సైరా ప్రేక్షకుల ముందుకొచ్చి బ్లాక్ బస్టర్ హిట్ అయిన సంగతి తెలిసిందే.