సాయి తేజ్ గొప్ప మనసు
సాయి తేజ్ ఎవరు అనుకొంటున్నారా ? మన మెగా యంగ్ హీరో సాయిధరమ్ తేజ్. ‘చిత్రలహరి’ సినిమా నుంచి సాయి తేజ్ గా పేరు మార్చుకొన్న సంగతి తెలిసిందే. ఆయన తాజా చిత్రం ‘ప్రతిరోజు పండగే’. మారుతి దర్శకుడు. యూవీ క్రియేషన్స్, గీతా ఆర్ట్స్ 2 సంయుక్తంగా నిర్మిస్తున్నాయి. మంగళవారం సాయి తేజ్ పుట్టినరోజు కానుకగా ప్రతిరోజు పండగే టీజర్ లాంటిది ఒకటి రిలీజ్ చేశారు. అంతేకాదు.. పుట్టినరోజున తేజు గొప్ప నిర్ణయం తీసుకొన్నాడు.
మ‌ధ్య‌లో ఆగిపోయిన ఓ ఓల్డేజ్ హోమ్ నిర్మాణం పూర్త‌య్యేవ‌ర‌కు తాను పూర్తి బాధ్య‌త వ‌హిస్తాన‌ని మాటిచ్చాడు. అంతేకాదు సంవ‌త్స‌రం పాటు ఓల్డేజ్ హోమ్ ర‌న్ అవ‌డానికి కావ‌ల‌సిన మొత్తాన్ని తాను స‌మ‌కూరుస్తానని తేజ్ చెప్పుకొచ్చాడు. ఈ కార్య‌క్ర‌మంలో పాలు పంచుకున్న మెగా ఫ్యాన్స్ అంద‌రికి ప్ర‌త్యేక కృత‌జ్ఞ‌తలు తెలియ‌జేశాడు. ఇదేదో గొప్ప‌లు చెప్పుకోవ‌డానికి ప‌బ్లిక్ డొమైన్‌లో మాట్లాడ‌డం లేదు. నన్ను చూసి చిన్న పిల్లాడు లేదా పెద్ద వాళ్లు ఎవ‌రో ఒక‌రు ఇన్‌స్పైర్ అయినా చాల‌నే చిన్న కార‌ణంతో ఈ వీడియో పోస్ట్ చేస్తున్నానని తేజు స్ప‌ష్టం చేశాడు. తేజ్ నిర్ణయంపై నెటిజన్స్ ని ప్రశంసలు దక్కుతున్నాయ్. రియల్ హీరో అంటూ కామెంట్స్ చేస్తున్నారు.
This is the best birthday gift I could give 🙏🏼 …thanks to everyone who made me help so many people and to all the fans who helped me out in this small project and donated in their small ways…I’m indebted to them…thank you once again 🙏🏼 https://t.co/w03ILRsgGG pic.twitter.com/O4ZffMDUcZ
— Sai Dharam Tej (@IamSaiDharamTej) October 15, 2019
