టీ20 వరల్డ్ కప్ తర్వాతే ధోని రిటైర్మెంట్ !
టీమిండియా మాజీ కెప్టెన్ మహేంద్రసింగ్ ధోనీ రిటైర్మెంట్ పై ఇటీవల అనేక వార్తలు వినిపిస్తున్న సంగతి తెలిసిందే. తాజాగా ధోనీ చిన్నప్పటి కోచ్‌ కేశవ్‌బెనర్జీ అతడి రిటైర్మెంట్‌పై స్పందించాడు.
‘ధోనీ 2004 నుంచి నిర్విరామంగా క్రికెట్‌ ఆడుతున్నాడు. అతనికి ఈ విరామం ఎంతో అవసరం. తన కుటుంబంతో కలిసి ఉండటానికి కాస్త సమయం ఇవ్వండి. అయితే, వచ్చే ఏడాది జరగబోయే టీ20 ప్రపంచకప్‌లో ధోనీ ఆడతాడనే నేను అనుకుంటున్నా. ఆ తర్వాతే ఏదైనా నిర్ణయం తీసుకుంటాడు’ అని పేర్కొన్నాడు. ఇదే నిజమైతే.. టీ20 వరల్డ్ కప్ తర్వాతే ధోని రిటైర్మెంట్ తీసుకొనే అవకాశం ఉంది.
మరోవైపు ప్రపంచకప్‌ తర్వాత రెండు నెలల విరామం తీసుకున్న ధోనీ ప్రస్తుత దక్షిణాఫ్రికా సిరీస్‌లోనూ ఆడటం లేదు. అలాగే వచ్చేనెలలో జరగబోయే బంగ్లాదేశ్‌ సిరిస్‌కు సైతం అందుబాటులో ఉండనట్లు తెలుస్తోంది.
