పవన్ కు ఎలాంటి కథ కావాలి ?

పవర్ స్టార్ పవన్ కల్యాణ్ సినిమాల్లోకి రీ ఎంట్రీ ఇవ్వబోతున్నారనే క్లారిటీ అయితే లేదు. కానీ, పవన్ కథలు వింటుండంతో.. ఇప్పటికిప్పుడు కాకపోయినా.. కాస్త ఆలస్యమైన పవన్ మళ్లీ సినిమాలు చేయబోతున్నాడు. బాబాయ్ రకరకాల కథలు వింటున్నారని ఇటీవల ఓ ఇంటర్వ్యూలో రామ్ చరణ్ చెప్పిన సంగతి తెలిసిందే. ఇప్పటికే దర్శకుడు క్రిష్ పవన్ ని కలిసి కథని వినిపించాడు. పవన్ కి క్రిష్ చెప్పిన కథ నచ్చింది. వందశాతం సినిమా చేస్తానని, చేయనని మాత్రం పవన్ చెప్పలేదు. 

క్రిష్ ఒక్కరే కాదు.. చాలామంది పవన్ కి కథలు వినిపిస్తున్నారు. ఆయన వింటున్నారు. ఐతే, పవన్ వెంటనే ఓకే చెప్పే కథ ఇంకా ఆయన దగ్గరకు రాలేదు. ఇటీవల పవన్ జార్జ్ రెడ్డి దర్శకుడు జీవన్ రెడ్డికి ఫోన్ చేయించి.. తనని కలవమని చెప్పినట్టు తెలిసిందే. తన ఆలోచనకి దగ్గరగా, పొలిటికల్ గా మైలేజ్ వచ్చే కథని రెడీ చేయమని జీవన్ రెడ్డి పవన్ సూచించే అవకాశాలున్నట్టు తెలుస్తోంది.

ఇంతకీ పవన్ కి ఎలాంటి కథలు కావాలి. పీరియాడిక్‌ డ్రామానా, జానపద కథాంశం, సామాజిక బాధ్యతతో కూడిన కథ కావాలా ? అన్నది తెలియాల్సింది. జోనర్ తెలిస్తే దానికి తగ్గ కథని రెడీ చేసుకొని దర్శకులు పవన్ కి వినిపించే ప్రయత్నం చేస్తారు. పవన్ సినిమాలు చేస్తానని పూర్తిగా నిర్ణయించుకోకముందే కథలు వినడంతోనే అసలు సమస్య ఎదురవుతున్నట్టు తెలుస్తోంది.