‘తెనాలి రామకృష్ణుడు’ మరో పాటేసుకొన్నాడు !
కామెడీ చిత్రాల దర్శకుడు జి. నాగేశ్వరరెడ్డి దర్శకత్వంలో సందీప్ నటిస్తున్న చిత్రం ‘తెనాలి రామకృష్ణుడు’. హన్సిక కథానాయిక. నవంబర్ లో ప్రేక్షకుల ముందుకు రానుంది. ఈ నేపథ్యంలో సినిమా ప్రమోషన్స్ లో వేగం పెంచింది చిత్రబృందం. ఇందులో భాగంగా తాజాగా సినిమాలోని రెండో పాట “పీచు మిఠాయి పిల్లరో.. ” విడుదల చేశారు.
భాస్కర భట్ల రాసిన ఈ పాటని బంతు, విష్ణు ప్రియ కలిసి పాడారు. సాయి కార్తీక్ సంగీతం అందించారు. ఈ పాటకి ప్రేమ్ రక్షిత్ నృత్యాలు అందించారు. చాలా వైవిధ్యమైన స్టెప్పులని వేయించారు. ‘పీచుమిఠాయి పిల్ల.. ” ఆకట్టుకుంటోంది. ఇక ఈ చిత్రంలో వరలక్ష్మీ శరత్ కుమార్ కీలక పాత్రలో నటిస్తున్నారు. మురళీ శర్మ, వెన్నెల కిషోర్, సప్తగిరి, పోసాని తదితరులు కీలక పాత్రల్లో నటిస్తున్నారు.
