శివతో విజయ్ సినిమా ఫిక్స్ !

రౌడీ హీరో విజయ్ దేవకొండ కొత్త సినిమాని ప్రకటించాడు. నిన్నుకోరి, మజిలీ చిత్రాల దర్శకుడు శివ నిర్వాణ దర్శకత్వంలో ఓ సినిమా చేయబోతున్నట్టు తెలిపారు. విజయ్ నిర్మాతగా మారి చేసిన సినిమా ‘మీకు మాత్రమే చెప్తా’. ఈ సినిమా ప్రమోషన్స్ లో పాల్గొన్న విజయ్ తన తదుపరి సినిమాలపై క్లారిటీ ఇచ్చారు. 

‘ప్రస్తుతం ‘వరల్డ్ ఫేమస్ లవర్’ సినిమాతో బిజీగా ఉన్నాను.  ఇంకా ఎనిమిది రోజుల షూటింగ్ మాత్రమే మిగిలి ఉంది. ఆ తర్వాత పూరి జగన్నాథ్ దర్శకత్వంలో సినిమా చేయబోతున్నా. ఈ సినిమా వచ్చే యేడాది  జనవరి నుంచి స్టార్ట్ అవుతుంది. తరువాత శివ నిర్వాణతో ఒక సినిమా ఉంటుంది’ అని విజయ్ తెలిపాడు. 

శివ నిర్వాణ దర్శకత్వంలో నిన్నుకోరి, మజిలీ సినిమాలు సూపర్ హిట్ అయ్యాయి. ఫ్యామిలీ ఎమోషన్స్ పండించడం శివ ప్రత్యేకత. ఈ యేడాది ‘మజిలీ’తో బ్లాక్ బస్టర్ హిట్ అందుకొన్నారాయన. విజయ్ కోసం శివ ఓ మంచి కథని రాసుకొన్నారట. ఈ సినిమాకు సంబంధించిన పూర్తి వివరాలు తెలియాల్సి ఉంది. వచ్చే యేడాది విజయ్ నుంచి పూరి, శివ దర్శకత్వంలో రెండు సినిమాలు రానున్నాయ్.

ఇక ‘వరల్డ్ ఫేమస్ లవ్వర్’ కోసం విజయ్ డిఫరెంట్ లుక్ లోకి మారిపోయిన సంగతి తెలిసిందే. ప్రపంచ ప్రేమికుల దినోత్సవం కానుకగా ఫిబ్రవరి 14న ఈ చిత్రాన్ని ప్రేక్షకుల ముందుకు తీసుకొచ్చేందుకు ప్రయత్నాలు జరుగుతున్నాయి. ఇక పూరి సినిమాలో విజయ్ బాక్సర్ గా కనిపించబోతున్నట్టు ప్రచారం జరుగుతోంది. ‘అమ్మా నాన్న ఓ తమిళ అమ్మాయి’ టైపు సినిమా అంటున్నారు. హీరోయిన్ గా బాలీవుడ్ యంగ్ హీరోయిన్ జాన్వీ కపూర్ ని ట్రై చేస్తున్నారట. దీనిపై మరికొద్దిరోజుల్లో క్లారిటీ రానుంది.