‘తిప్పరా మీసం’ ట్రైలర్ టాక్

విభిన్నమైన సినిమాలతో ఆకట్టుకొంటున్నాడు శ్రీ విష్ణు. ఆయన తాజా చిత్రం ‘తిప్పరా మీసం’. కృష్ణవిజయ్ దర్శకుడు. శ్రీవిష్ణు జోడీగా నిక్కీ తంబోలి కనిపించనుంది. ఈ వారమే (నవంబర్ 8) సినిమా ప్రేక్షకుల ముందుకు రానుంది. తాజాగా ఈ సినిమా ట్రైలర్ ని రిలీజ్ చేసింది చిత్రబృందం.

‘నా గతాన్ని, నా సమస్యని గుర్తించని ఈ పనికి మాలిన సమాజం.. నేను చేసింది తప్పు అని ఓ ముద్రవేసింది.’ అంటూ శ్రీవిష్ణు చెబుతున్న వాయిస్ ఓవర్ తో ట్రైలర్ మొదలైంది. ఊరమాస్ పాత్రలో శ్రీవిష్ణు ఆకట్టుకొంటున్నాడు. ట్రైలర్ ని చూస్తే అర్జున్ రెడ్డి పోలికలు కనిపించాయ్. అమ్మ సెంటిమెంట్ కనిపించింది. ఈ మాస్ సినిమాలో తల్లి సెంటిమెంట్ ఎలా వర్కవుట్ అయిందనేది సినిమాలో చూడాలి.