సూపర్ స్టార్’కు బర్త్ డే విషెస్

యూనివర్సల్ స్టార్ కమల్ హాసన్ పుట్టినరోజు నేడు. ఈ సందర్భంగా ఆయనకి శుభాకాంక్షలు వెలువెత్తుతున్నాయ్. టాలీవుడ్ సూపర్ స్టార్ మహేష్ ట్విట్టర్ వేదికగా కమల్ కి బర్త్ డే విషెస్ తెలిపారు. ” సినిమాకు మీ సహకారం అసాధారణమైనది. సినిమాల్లో 60 అద్భుతమైన సంవత్సరాలు పూర్తి చేసినందుకు అభినందనలు. ఇది నిజంగా ఉత్తేజపరిచే విషయం. మీరు ఆనందం మరియు ఆరోగ్యంతో ఉండాలని మనస్పూర్తిగా కోరుకుంటున్నా”నని మహేష్ రాసుకొచ్చారు.

‘కలత్తూర్ కన్నమ్మ’ సినిమాతో నటుడిగా ప్రస్థానాన్ని మొదలుపెట్టారు కమల్ హాసన్. మొదటి సినిమాలోనే బాల నటుడిగా జాతీయ ఉత్తమ నటుడి అవార్డు అందుకున్నాడు. ఇక కథానాయకుడిగా వైవిధ్యమైన పాత్రలకి ప్రాణం పోశారు. తెలుగులో ‘అంతులేని కథ’, ‘మరో చరిత్ర’ సినిమాలతో కమల్ కి గుర్తింపు లభించింది. ‘స్వాతి ముత్యం’,’సాగర సంగమం’,’ఇంద్రుడు చంద్రుడు’ వంటి సినిమాల్లో మూడు నంది అవార్డులను అందుకున్న ఏకైక పరభాష నటుడిగా కమల్ హాసన్ రికార్డు సాధించాడు. ఆయన నటించిన ఇండియన్ (తెలుగులో భారతీయుడు) తెలుగు ప్రేక్షకులని అమితంగా ఆకట్టుకొంది. ప్రసుతం కమల్ భారతీయుడు 2 సినిమాతో బిజీగా ఉన్నారు.