వైరల్ : ‘సరిలేరు నీకెవ్వరు’ ఫ్యామిలీ ఫిక్

అనిల్ రావిపూడి దర్శకత్వంలో సూపర్ స్టార్ మహేష్ బాబు నటిస్తున్న చిత్రం ‘సరిలేరు నీకెవ్వరు’. రష్మిక మందన కథానాయిక. లేడీ సూపర్ స్టార్ విజయశాంతి కీలక పాత్రలో నటిస్తున్నారు. మరో సీనియర్ హీరోయిన్ సంగీత, ప్రకాష్ రాజ్, రాజేంద్ర ప్రసాద్ తదితరులు కీలక పాత్రలో నటిస్తున్నారు. తాజాగా ఈ సినిమా కేరళలో షూటింగ్ జరుపుకుంటోంది. అక్కడ ఫ్యామిలీ సీన్స్ తెరకెక్కిస్తున్నారు.

తాజాగా ‘సరిలేరు నీకెవ్వరు’ ఫ్యామిలీ పిక్ ని చిత్రబృందం సోషల్ మీడియాలో షేర్ చేసింది. సరిలేరు ఫ్యామిలీ పిక్ కలర్ ఫుల్ గా ఉంది. ఫోటో బ్యాక్ గ్రౌండ్ చూస్తే కేరళ రైల్వే స్టేషన్ లో చిత్రీకరణ సమయంలో తీసిన పిక్ లా ఉంది. అనిల్ రావిపూడి సినిమాలు వినోదాత్మకంగా ఉంటాయి. సరిలేరు కూడా ఫ్యామిలీ ఎంటర్ టైనర్ గా తెరకెక్కుతోంది. 

ఈ చిత్రానికి దేవిశ్రీ ప్రసాద్ సంగీతం అందిస్తున్నారు. అనిల్ సుంకర-దిల్ రాజు-మహేష్ సంయుక్తంగా నిర్మిస్తున్నారు. వచ్చే యేడాది సంక్రాంతి కానుకగా జనవరి 12న సరిలేరు ప్రేక్షకుల ముందుకు రానుంది. అదే రోజు అల.. వైకుంఠపురలో రిలీజ్ కానుంది. ఐతే, ఈ రెండు సినిమాల నిర్మాతలు చర్చలు జరుపుతున్నారు. రెండ్రోజుల తేడాతో ప్రేక్షకుల ముందుకు వచ్చేందుకు చర్చలు జరుగుతున్నట్టు సమాచారమ్.