మూడో టీ20 : బంగ్లా టార్గెట్ 175
నాగ్ పూర్ వేదిక జరుగుతున్న ఆఖరి టీ20లో బంగ్లాదేశ్ కు భారత్ 175 పరుగుల లక్ష్యాన్ని నిర్ధేశించింది. మొదటి బ్యాటింగ్ చేసిన టీమిండియా నిర్ణీత 20 ఓవర్లలో ఐదు వికెట్ల నష్టానికి 174 పరుగులు చేసింది. శ్రేయస్ అయ్యర్ 62, లోకేశ్ రాహుల్ 52, మనీష్ పాండే 22, శిఖర్ ధావన్ 19 పరుగులతో రాణించారు. బంగ్లా బౌలర్లలో షఫీవుల్ ఇస్లామ్ 2, సౌమ్య సర్కార్ 2, హోసియన్ ఒకటి చొప్పున వికెట్లు తీశారు.
టీమిండియా ఇన్నింగ్స్ లో శ్రేయస్ అయ్యర్, కేఏ రాహుల్ ల ఆటే హైలైట్. శ్రేయస్ కేవలం 28 బంతుల్లో హాఫ్ సెంచరీ పూర్తి చేశాడు. ఆయనకిది తొలి టీ20 హాఫ్ సెంచరీ. ఇక దూకుడుగా ఆడిగిన కెఎల్ రాహుల్ 36 బంతుల్లోనే హాఫ్ సెంచరీ పూర్తి చేశారు. పంత్ (6) మరోసారి విఫలమయ్యాడు.
