మళ్లీ మొదటికే వచ్చిన పరశురామ్

‘గీత గోవిందం’ లాంటి వందకోట్ల సినిమా చేసిన దర్శకుడు పరశురామ్.. ఇప్పుడు ఖాళీగా ఉండటం ఆశ్చర్యం కలిగిస్తోంది. వాస్తవానికి ‘గీత గోవిందం’ తర్వాత పరశురామ్ నాగ చైతన్యతో ఓ సినిమా అనుకొన్నాడు. ఇంతలో సూపర్ స్టార్ మహేష్ సినిమాపై ఆశలు రెకెత్తాయ్. అటు వైపుగా గట్టిగానే ట్రై చేశాడు. కానీ వర్కవుట్ కాలేదు. ఆ తర్వాత ఎన్టీఆర్, ప్రభాస్, నాని, అఖిల్.. ఇలా మందినే టచ్ చేశాడు. ఎవ్వరితో సినిమా ఫిక్స్ కాలేదు.

లెటెస్ట్ న్యూస్ ఎంటంటే.. ? తిరిగి తిరిగి పరశురామ్ మళ్లీ నాగ చైతన్య దగ్గరికే వచ్చినట్టు తెలుస్తోంది. సినిమా చేయడానికి చైతన్య ఓకె అన్నారు. కానీ అదెప్పుడు ? అన్నది మాత్రం ఇంకా క్లారిటీ లేదని తెలుస్తోంది. ప్రస్తుతం చైతూ శేఖర్ కమ్ముల తో సినిమాతో బిజీగా ఉన్నాడు. ఇందులో సాయి పల్లవి హీరోయిన్. తాపీగా సినిమా చేసే శేఖర్ కమ్ముల ఈసారి తన తీరుకు భిన్నంగా స్పీడుగానే కానిచ్చేస్తున్నారు. అది పూర్తయిన తర్వాత చైతూ పరశురామ్ సినిమాపై ఫోకస్ పెట్టనున్నారు. ఈ చిత్రాన్ని కూడా ఏషియన్  సునీల్ నిర్మించబోతున్నాడని సమాచారమ్.