‘ఆర్ఆర్ఆర్’ ఫస్ట్ లుక్ కొత్త డేటు ఫిక్స్ !
‘ఆర్ఆర్ఆర్’ ప్రారంభమై సోమవారానికి సరిగ్గా యేడాది. అయినా.. ఇప్పటి వరకు ఫస్ట్ లుక్కు, పిక్కూ రాలేదు. దీంతో చరణ్, ఎన్టీఆర్, రాజమౌళి అభిమానులు నిరాశలో ఉన్నారు. ఎన్టీఆర్, రామ్ చరణ్ ఫస్ట్ లుక్ ఫలానా తేదీకి రాబోతున్నాయంటూ గతంలో చాలా ప్రచారమే జరిగింది. కానీ అవేవీ నిజాలు కాలేదు. చివరికి కొమరంభీమ్ జయంతి సందర్భంగా ఎన్టీఆర్ లుక్ విడుదల చేస్తారనే రూమర్ కూడా నిజం కాలేదు. తాజాగా ‘ఆర్ఆర్ఆర్’ ఫస్ట్ లుక్ కోసం కొత్త డేటు ఫిక్స్ అయినట్టు ప్రచారం జరుగుతోంది.
డిసెంబర్ 31 లేదా జనవరి 1న ‘ఆర్-ఆర్-ఆర్’ నుంచి ఎన్టీఆర్ లుక్ ను రాబోతుంది. ఇక సంక్రాంతి కానుకగా రామ్ చరణ్ లుక్ కూడా వదలున్నారని చెప్పుకొంటున్నారు. ఆర్ ఆర్ ఆర్ రిలీజ్ కి ఇంకా ఆర్నెళ్లకి పైగా టైం ఉంది. దీంతో వచ్చే యేడాది ఫస్ట్ డే నుంచే ప్రమోషన్స్ ని మొదలెట్టాలనే ప్లాన్ లో జక్కన్న ఉన్నట్టు తెలుస్తోంది.మరోవైపు, ఓపిక పట్టలేని ఫ్యాన్స్ కొందరు ఆర్ ఆర్ ఆర్ ఫస్ట్ లుక్స్ అంటూ తారక్, రామ్ చరణ్ లుక్ లని సోషల్ మీడియాలో విడుదల చేస్తున్నారు. అవి వైరల్ అవుతున్నాయి.
బాహుబలి తర్వాత రాజమౌళి దర్శకత్వంలో తెరకెక్కుతోన్న చిత్రమిది. ఇందులో కొమరం భీమ్ గా ఎన్ టీఆర్, అల్లూరి సీతారామరాజుగా రామ్ చరణ్ నటిస్తున్నారు. చరణ్ కి జంటగా బాలీవుడ్ బ్యూటీ అలియా భట్ నటిస్తున్నారు. తారక్ జోడీ ఎవరన్నది ఇంకా తెలియరాలేదు. బాలీవుడ్ హీరో అయజ్ దేవగణ్, తమిళ నటుడు సముద్రఖనీ తదితరులు కీలక పాత్రలో నటిస్తున్నారు. కీరవాణి సంగీతం అందిస్తున్నారు. దాదాపు రూ. 450కోట్ల బడ్జెట్ తో డివివి దానయ్య ఆర్ ఆర్ ఆర్ ని నిర్మిస్తున్నారు. వచ్చే యేడాది జులై 30న ఆర్ ఆర్ ఆర్ ప్రేక్షకుల ముందుకు రానుంది.
