రేపు తిరుపతి రానున్న దీపికా-రణ్ వీర్
బాలీవుడ్ జంట దీపికా-రణ్ వీర్ రేపు తిరుపతి రానున్నారు. వీరిద్దరి వివాహం జరిగి సంవత్సరం కావొస్తుంది. గత సంవత్సరం నవంబర్‌ 14న ఇటలీలోని లేక్‌ కోమోలో కొంకిణి, సింథి సంప్రదాయాల ప్రకారం దీప్ వీర్ పెళ్లి చేసుకొన్న సంగతి తెలిసిందే. వారి మొదటి వివాహ వేడుక సందర్భంగా రేపు తిరుమల శ్రీనివారిని దర్శించుకోనున్నారు.
ఇక నవంబర్‌ 15వ తేదీన అమృతసర్‌లోని స్వర్ణదేవాలయాన్ని సందర్శించి ప్రత్యేక పూజలు నిర్వహించనున్నారు. ఇప్పటికే రణవీర్‌ వివాహ వార్షికోత్సవానికి సిద్ధమవుతున్నారు. రణవీర్‌ ఫేస్‌ ప్యాక్‌ వేసుకున్న ఫొటోలను దీపికా ఇన్‌స్టా వేదికగా షేర్‌ చేస్తూ.. ‘మొదటి వివాహ వార్షికోత్సవం కోసం సిద్ధమవుతున్న రణవీర్‌’ అని పేర్కొన్నారు.
