సురేష్ బాబు ఇంట్లో ఐటీ రైడ్స్.. ఎంత పట్టుబడింది.. ?

ప్రముఖ టాలీవుడ్ నిర్మాత సురేష్ బాబు ఇల్లు, రామానాయుడు స్టూడియో, ఆయనకి సంబంధించిన కార్యాలయాల్లో ఐటీ అధికారులు సోదాలు చేస్తున్నారు. గత నాలుగేళ్లుగా సురేష్ ప్రొడక్షన్స్ సంస్థ ఐటి లెక్కల్లో తేడాలు ఉన్నట్లు అధికారులు గుర్తిచడంతో ఈ అకస్మాత్తుగా చేసినట్టు సమాచారమ్. సొంతంగా సినిమాలు నిర్మించడం, చిన్న సినిమాలని తన బ్యానర్ లో రిలీజ్ చేసే భారీ లాభాలని గడించడం సురేష్ బాబు ప్రత్యేకత. చాలా జాగ్రత్తగా సినిమాలు చేస్తుంటారు. 

భారీ బడ్జెట్ సినిమాల జోలికి వెళ్లి చేతులు కాల్చుకోవడం వంటివి ఉండవు. సురేష్ బాబు లెక్కలు కూడా పక్కగా ఉంటాయని చెబుతుంటారు. దర్శకులు, నటీనటుల రెమ్యూనరేషన్ విషయంలో పక్కగా ఉంటారు. చిన్ని సినిమాల డీల్ విషయంలోనూ ముందస్తు ఒప్పందాలతో ముందుకెళ్తారు. అలాంటి సురేష్ ప్రొడక్షన్స్ బ్యానర్ కు సంబంధించిన లెక్కలు అవకతవకలు అని.. ఐటీ రైట్స్ జరగడం ఆశ్చర్యాన్ని కలిగించే విషయమే. మరీ.. ఈ దాడులు ఎంత అవినీతి సొమ్ము బయటపడుతుంది ? అన్నది చూడాలి.

ప్రస్తుతం సురేష్ బాబు బ్యానర్ లో ‘వెంకీమామ’ సినిమా తెరకెక్కుతోంది. విక్టరీ వెంకటేష్, ఆయన మేనల్లుడు నాగచైతన్య కలిసి నటిస్తున్నారు. డిసెంబర్ 13న వెంకీమామ ప్రేక్షకుల ముందుకు రానుంది. ఈ సినిమా తర్వాత ‘అసురన్’ తెలుగు రిమేక్ చేయాలనే ప్లాన్ లో ఉన్నారు. వెంకీ ఏరికోరి ఎంచుకొన్న సినిమా ఇది. ఈ చిత్రానికి శ్రీకాంత్ అడ్డాల దర్శకత్వం వహించే అవకాశాలున్నాయి.