టైటానిక్ రేంజ్ లో చైతూ లవ్ స్టోరీ
బర్త్ డే రోజున వెంకీమామతో కలిసి మందేసి.. చిందేశాడు నాగ చైతన్య. వీరిద్దరు కలిసి నటించిన చిత్రం వెంకీమామ. కెయస్ రవీంద్ర కుమార్ (బాబీ) దర్శకుడు. చైతూ బర్త్ డే సందర్భంగా వెంకీమామ నుంచి ఓ చిన్న టీజర్ లాంటిది ఒకటి రిలీజ్ చేశారు. ఇందులో మామ-అల్లుళ్లు మందేసి చిందేయడం ఆకట్టుకుంది.
‘నా మేనల్లుడు లవ్ స్టోరీ టైటానిక్ రేంజ్ లో ఉంటుందని ఊహించా. కానీ ఊరిలో పడవ రేంజ్ లో కూడా లేదు అని వెంకీ అనగా.. నేను మత్తులో ఉండి ఏం చెప్పానో.. నువ్వు మందులో ఉండి ఏం విన్నావో.. ఇప్పుడు చెబుతా వినూ’ అంటూ చైతూ లవ్ స్టోరీ చెప్పాడు. ఫుల్ రొమాంటిక్ బిట్ సీన్స్ లో కనిపించాడు. ఆ తర్వాత చైతూ జవాన్ గా కనిపించే సీన్స్ వచ్చాయి. మొత్తంగా చైతూ బర్త్ డే కానుక అదిరిపోయింది. ఈ చిత్రంలో వెంకీ సరసన పాయల్ రాజ్ పుత్, నాగచైతన్య పక్కన రాశీఖన్నా హీరోయిన్లుగా నటిస్తున్నారు.
