మలేసియాలో రజనీ బర్త్ డే సెలబ్రేషన్స్

మలేసియాలో తమిళ చిత్రాలకి ఆదరణ ఎక్కవ. ఇక సూపర్ స్టార్ రజనీకాంత్ సినిమా అంటే చెప్పనక్కర్లేదు. . ‘2.ఓ’, ‘కాలా’ వంటి చిత్రాలను అక్కడ విడుదల చేసిన మహ్మద్‌ యూసఫ్‌ ఇటీవల చెన్నైలో రజనీకాంత్‌ను కలిశారు. ఈసారి రజనీ బర్త్ డే వేడుకలని మలేసియాలో ఘనంగా నిర్వహించబోతున్నట్టు తెలిపారు.

ఈ సందర్భంగా మహ్మద్‌ యూసఫ్‌ మాట్లాడుతూ.. “డీఎంవై క్రియేషన్స్‌ బ్యానరుపై ఇప్పటి వరకు 167పైగా చిత్రాలను విడుదల చేశా. చిన్న, పెద్ద బడ్జెట్‌ చిత్రాలన్నింటినీ ప్రేక్షకుల చెంతకు తీసుకొచ్ఛా సూపర్‌స్టార్‌ పుట్టినరోజు సందర్భంగా డిసెంబరు 12న అక్కడి ఓ థియేటర్‌లో సంబరాలు చేయాలనుకుంటున్నాం. దానికి సంబంధించిన ఏర్పాట్లు కూడా జరుగుతున్నాయని” అని తెలిపారు.

ఇక మురగదాస్ దర్శకత్వంలో రజనీకాంత్ నటించిన దర్భార్ సినిమా వచ్చే యేడాది సంక్రాంతి కానుకగా జనవరి 9న ప్రేక్షకుల ముందుకు రానుంది. ప్రస్తుతం శివ దర్శకత్వంలో రజనీ ఓ సినిమా చేయనున్నారు. అతి త్వరలోనే ఈ సినిమా రెగ్యూలర్ షూటింగ్ మొదలుకానుంది. మరోవైపు, రజనీ పొలిటికల్ పార్టీ జెండా, ఎజెండా రెడీ అవుతోంది.