సల్మాన్ కి నో చెప్పిన ఇలియానా !
టాలీవుడ్ లో మాంఛి ఫామ్ లో ఉండగానే బాలీవుడ్ కి చెక్కేసింది ఇలియానా. అక్కడ మంచి నటి అనిపించుకొంది. కానీ బిజీ హీరోయిన్ కాలేకపోయింది. ఇందులో ఇల్లీ సొంత తప్పిదాలు కూడా ఉన్నాయట. తాజాగా వాటిలో కొన్నింటిని అంగీకరించింది ముద్దుగుమ్మ. అవేటంటే.. ? ఇల్లీకి బాలీవుడ్ కండల వీరుడు సల్మాన్ తో కలిసి నటించే అవకాశం ఒకసారి కాదు.. రెండు సార్లు వచ్చిందట. కావాలనే వాటిని తిరిస్కరించిందట. వాటి వెనక ఉన్న అసలు కారణాలని ఇన్నాళ్లకి బయటపెట్టింది.
సల్మాన్ నటించిన వాటెంట్, కిక్ రెండు తెలుగు సినిమాల రిమేక్ లే. ‘వాటెంట్’ మహేష్ ‘పోకిరి’ సినిమా రిమేక్ గా, కిక్ రవితేజ నటించిన కిక్ సినిమా రిమేక్. ఈ రెండింటిలోనూ ఇలియానానే హీరోయిన్. బాలీవుడ్ లోనూ ముందుగా ఇల్లీకే అవకాశం వచ్చింది. కానీ ఇల్లి ఒప్పుకోలేదు. వాటెంట్ సినిమా సమయంలో ఇల్లీ ఎగ్జామ్స్ రాస్తోందట. ఇక ‘కిక్’ సినిమా సమయంలో వేరొక సినిమాకి కమిటైందట. దాంతో డేట్స్ కుదరలేదట.. అందుకే రెండూ వదులుకోవాల్సి వచ్చిందని చెప్పుకొచ్చింది. సల్మాన్ పక్కన ఈ రెండు సినిమాల్లో ఇల్లీ నటించి ఉంటే బాలీవుడ్ లో ఆమె రేంజ్ మరోలా ఉండేదేమో.. !
