కారు ప్రమాదంపై స్పందించిన సంపూ !
బర్నింగ్ స్టార్ సంపూర్ణేష్ కుటుంబంతో కలిసి ప్రయాణిస్తున్న కారు బుధవారం ప్రమాదానికి గురైన సంగతి తెలిసిందే. సిద్దిపేట కొత్త బస్టాండ్ వద్ద సంపూ కారుని ఆర్టీసీ బస్ ఢోకొంది. ఈ ఘటనలో సంపూ కుటుంబ సభ్యులు స్వల్ప గాయాలతో బయటపడ్డారు. ఈ ప్రమాద వార్త మీడియాలో వైరల్ అయింది. దాంతో.. సంపూకి ఏమైంది అంటూ ఆయన అభిమానులు కంగారు పడ్డారు.
తాజాగా కారు ప్రమాదంపై సంపూ స్పందించారు. ఓ వీడియా ద్వారా ప్రమాదం గురించి వివరణ ఇచ్చారు. క్షేమ సమాచారం కనుక్కున్న ప్రతి పెద్ద మనసుకి ధన్యవాదాలు తెలిపారు సంపూ. ప్రమాదం జరిగిన తర్వాత చాలా ఫోన్ కాల్స్ వచ్చాయి. ఆ సమయంలో తన పిల్లలు భయంతో వణికిపోతుండటంతో.. వారికి తోడుగా ఉండటం జరిగింది. ఎవరి ఫోన్స్ కి ఆన్సర్ ఇవ్వలేకపోయాయి. సినీ ప్రముఖులు, మీడియా సంస్థలవాళ్లు ఫోన్ చేశారు. మంత్రి హారీశన్న ఫోన్ చేసి.. తమ్ముడు ఏం అయింది ? ఎలా వుంది ? అని అడిగారు. అందరికీ ధన్యవాదాలు అని సంపూ పేర్కొన్నారు.
క్షేమ సమాచారం కనుక్కున్న ప్రతి పెద్ద మనసుకి ధన్యవాదాలు
సదా మీ ప్రేమకి బానిస
మీ సంపూర్ణేష్ బాబు pic.twitter.com/74diIxN25t— Sampoornesh Babu (@sampoornesh) November 29, 2019
