జబర్థస్త్ మార్పు : రోజా స్థానంలో విజయశాంతి

సూపర్ స్టార్ మహేష్ బాబు ‘సరిలేరు నీకెవ్వరు’ సినిమాతో లేడీ సూపర్ స్టార్ విజయశాంతి రీ ఎంట్రీ ఇస్తున్న సంగతి తెలిసిందే. దాదాపు 13యేళ్ల తర్వాత ఆమె నటిస్తున్న చిత్రమిది. ఈ సినిమా తర్వాత కూడా విజయశాంతి వరుస సినిమాలు చేయబోతున్నట్టు సమాచారమ్. ఐతే, సరిలేరు రిజల్ట్ తర్వాత తన తరువాతి సినిమాపై విజయశాంతి ఓ నిర్ణయం తీసుకోవాలని భావిస్తున్నారంట.

ఈ విషయం పక్కనపెడితే.. తాజాగా విజయశాంతికి జబర్థస్త్ ఆఫర్ వచ్చినట్టు తెలుస్తోంది. ఈటీవీలో ఫేమస్ అయిన జబర్థస్త్ షో నుంచి మెగా బ్రదర్ నాగబాబు తప్పుకొన్న సంగతి తెలిసిందే. మరో జడ్జీ రోజా కూడా తప్పుకుంటే ఏంటీ ? పరిస్థితి అని షో నిర్వాహకులు ముందే ఊహించారంట. ఒకవేళ రోజా తప్పుకొంటే ఆమె స్థానంలో విజయశాంతిని తీసుకోవాలని భావిస్తున్నట్టు తెలిసింది. మరీ.. అందుకు విజయశాంతి ఒప్పుకొంటారా ? లేదా ?? అన్నది చూడాలి.

ఎమ్మెల్యేగా, ఎపీఐఐసి చైర్ పర్సన్ రోజా బాధత్యలు నిర్వహిస్తున్న సంగతి తెలిసిందే. అంతేకాదు.. ఆమెకి బాలయ్య-బోయపాటి సినిమాలో ఓ పవర్ పాత్ర ఒకటి ఆఫర్ వచ్చిందట. ఇందులో రోజా బాలయ్యకి సవాల్ విసిరే విలన్ పాత్రలో కనిపించనుందని చెబుతున్నారు. సీఎం జగన్ నుంచి గ్రీన్ సిగ్నల్ వస్తే.. బాలయ్య సినిమాలో నటించేందుకు రోజా కూడా రెడీ ఉన్నట్టు టాక్. అదే జరిగితే.. అమె జబర్థస్త్ షోకి జడ్జీగా వ్యవహరించడం వీలు కాకపోవచ్చు. ఈ నేపథ్యంలో జబర్థస్త్ యాజమాన్యం లేడీ సూపర్ స్టార్ విజయశాంతి చర్చలు జరిపేందుకు రెడీ అవుతున్నట్టు సమాచారమ్.