నాని 26 టైటిల్ ‘టక్ జగదీష్’ !

నేచురల్ స్టార్ నాని 26వ సినిమాకి టైటిల్ ఫిక్సయింది. శివ నిర్వాణ దర్శకత్వంలో నాని నటించిన ‘నినుకోరి’ సూపర్ హిట్టైన సంగతి తెలిసిందే. వీరి కలయికలో మరో సినిమా రాబోతుంది. తాజాగా ఈ చిత్రానికి ‘టక్ జగదీష్’ అనే టైటిల్ ని ఖరారు చేశారు. ఈ సినిమాలో నానికి జంటగా రీతూ వర్మ, ఐశ్వర్య రాజేష్ జతకట్టనున్నారు. ఈ చిత్రానికి సాహూ గారిపాటి, హారీష్ పెద్ది నిర్మాతలు.

శివ నిర్వాణ దర్శకత్వంలో వచ్చిన నిన్నుకోరి, మజిలీ చిత్రాలు బ్లాక్ బస్టర్ హిట్టయ్యాయి. ఈ రెండు సినిమాలు ఎమోషనల్ కంటెంట్ తో తెరకెక్కాయి. అద్భుతమైన కథ-కథనాలతో ప్రేక్షకులని మెప్పించాడు దర్శకుడు. ఇటు యూత్, అటు ఫ్యామిలీ ప్రేక్షకులకి కనెక్ట్ అయ్యేలా సినిమాలు చేయడం శివ నిర్వాణ ప్రత్యేకత. అందుకే ఆయనతో సినిమాలు చేసేందుకు స్టార్ హీరోలు ఆసక్తిని చూపిస్తున్నారు. నిన్నుకోరి తర్వాత నాని-శివ నిర్వాణ కాంబో ‘టక్ జగదీష్’ తెరకెక్కనుంది.

వాస్తవానికి శివ నిర్వాణ నాని, విజయ్ దేవరకొండ ఇద్దరికి కథ చెప్పి ఒప్పించాడు. వీరిద్దరిలో ఎవరి సినిమా ముందుగా రానుంది అనే ఆసక్తి ఉండేది. ఇప్పుడు నాని సినిమానే ముందుగా తీసుకురానున్నారు. త్వరలోనే టక్ జగదీష్ సినిమా ప్రారంభం కానుంది.