1000 క్లబ్ లో చేరిన కెఎల్ రాహుల్

టీమిండియా ఓపెనర్ టీ20ల్లో 1000 పరుగులు పూర్తి చేశాడు. కేవలం 29 మ్యాచ్ ల్లోనే వెయ్యి పరుగులు పూర్తి చేశాడు. అత్యంత వేగంగా వెయ్యి పరుగుల మార్క్ ని అందుకొన్న మూడో ఆటగాడిగా రికార్డ్ సృష్టించాడు. ఉప్పల్ వేధికగా భారత్-వెస్టిండీస్ జట్ల మధ్య తొలి టీ20 జరుగుతున్న సంగతి తెలిసిందే. ఈ మ్యాచ్ లో తొలి బ్యాటింగ్ చేసిన వెండీస్ నిర్ణీత 20ఓవర్లలో 207 పరుగులు చేసింది.

శిఖర్ ధావన్ కి గాయం కావడంతో ఈ మ్యాచ్ లో కె ఎల్ రాహుల్ కి ఓపెనింగ్ చేసే ఛాన్స్ దక్కింది. రోహిత్ శర్మతో కలిసి రాహుల్ ఇన్నింగ్స్ ప్రారంభించాడు. ఐతే, రోహిత్ 4 ఓవర్ లోనే 8 పరుగుల వద్ద అవుట్టయ్యాడు. మరో ఎండ్ లో కె ఎల్ రాహుల్ (38, 24 బంతుల్లో 4పోర్లు, 2 సిక్సులు) అదరగొడుతున్నాడు. రాహుల్ తో కలిసి కెప్టెన్ కోహ్లీ (18, 18బంతుల్లో, 2ఫోర్లు) ఆటని కొనసాగిస్తున్నారు. ప్రస్తుతం టీమిండియా 9ఓవర్లలో వికెట్ నష్టానికి 81 పరుగులతో ఆటని కొనసాగిస్తోంది.