రేపే.. ‘అల.. టీజర్’ !
‘అల.. వైకుంఠపురంలో’.. త్రివిక్రమ్-అల్లు అర్జున్ కాంబో తెరకెక్కతోన్న హ్యాట్రిక్ చిత్రమిది. పాటలతోనే రికార్డులని తెరలేపింది. సామజవరగమన, రాములో రాముల పాటలు అత్యధిక వ్యూస్, లైక్స్ సొంతం చేసుకొన్న తెలుగు పాటల్లో మొదటి రెండు స్థానాల్లో నిలిచాయి. ఈ నేపథ్యంలో అల.. టీజర్ వస్తుందంటే హంగమా మాములుగా ఉండదు. కానీ, ఎలాంటి హడావుడి లేకుండా అల.. టీజర్ ని తీసుకొస్తున్నారు. రేపు ఉదయం 10గంటలకి అల.. టీజర్ ని విడుదల చేయబోతున్న నిర్మాణ సంస్థ గీతాఆర్ట్స్ ట్విట్ చేసింది. కనీసం టీజర్ రిలీజ్ పోస్టర్ కూడా రిలీజ్ చేయలేదు. బహుశా.. అంచనాలు శృతిమించుతున్నాయని ఇలా చేశారేమో!
ఇక త్రివిక్రమ్-అల్లు అర్జున్ కలయికలో వచ్చిన రెండు సినిమాలు జులాయ్, సన్నాఫ్ సత్యమూర్తి మంచి విజయాలని సాధించాయి. ‘అల.. వైకుంఠపురంలో’ సినిమా కథ శ్రీకృష్ణుడి యాంగిల్ లో సాగుతుందట. కృష్ణుడు దేవకి కి పుట్టినా యశోద దగ్గర పెరిగినట్లుగా ఆ పాయింట్ ను ఇప్పటి పరిస్థితులకు అన్వయించి అల.. తెరకెక్కిస్తున్నారని చెప్పుకొంటున్నారు. ఈ చిత్రంలో బన్నీకి జంటగా పూజా హెగ్డే నటిస్తున్నారు. బాలీవుడ్ నటి టబు కీలక పాతల్లో కనిపించనున్నారు. ఈ చిత్రానికి థమన్ సంగీతం అందించారు. గీతా ఆర్ట్స్, హారిక అండ్ హాసిని క్రియేషన్స్ సంయుక్తంగా నిర్మిస్తున్నాయి. వచ్చే యేడాది జనవరి 12న అల.. ప్రేక్షకుల ముందుకు రానుంది.
An important update regarding #AlaVaikunthapurramuloo`Teaser will be coming your way at 10:00 AM, TOMORROW. Stay Tuned.#AVPLTeaser @alluarjun #Trivikram @hegdepooja @MusicThaman
— Geetha Arts (@GeethaArts) December 7, 2019
