కొరటాల సినిమాలో చిరు లుక్ ఇదేనా ?

మెగాస్టార్ చిరంజీవి రీ-ఎంట్రీ తర్వాత అదరగొడుతున్న సంగతి తెలిసిందే. ‘ఖైదీ నెం.150’ ఇప్పటికీ టాలీవుడ్ నెం.1 తానేనని నిరూపించాడు. ఇక ‘సైరా’లాంటి ప్యాన్ ఇండియా సినిమాతో మెప్పించారు. ఆయన తదుపరి సినిమా కొరటాల శివ దర్శకత్వంలో తెరకెక్కనున్న సంగతి తెలిసిందే. త్వరలోనే ఈ సినిమా రెగ్యూలర్ షూటింగ్ మొదలు కానుంది. ఈ సినిమా కోసం చిరు కొత్త లుక్ లోకి మారిపోయాడు. ఇంకా స్లిమ్ గా మారాడు.

దానికి సంబంధించిన పిక్ ఒకటి సోషల్ మీడియాలో హల్ చల్ చేస్తోంది. ఈ సినిమాలో చిరు దేవాదాయ శాఖ అధికారిగా కనిపించబోతున్నట్టు ప్రచారం జరుగుతోంది. బడా రాజకీయ నాయకుల తాట తీస్తారట. అదెలా ? అనేది సినిమా చూసి తెలుసుకోవాల్సిందే. కొరటాల మార్క్ సోషల్ మెసేజ్ తోనే ఈ సినిమా ఉండనుందని చెబుతున్నారు. ఈ సినిమా కోసం హీరోయిన్ గా త్రిష దాదాపు ఖరారైనట్టు చెబుతున్నారు. జనవరిలో రెగ్యూలర్ షూటింగ్ ప్రారంభించి.. వచ్చే యేడాది ఆగస్టులో చిరు 152 రిలీజ్ ని ప్లాన్ చేసినట్టు తెలుస్తోంది.