గ్లామర్ క్వీన్ మిల్కీ బ్యూటీకి పుట్టినరోజు శుభాకాంక్షలు

అందానికే అసూయ కలిగించే అందం ఆమె సొంతం. ఆ అందానికి టాలీవుడ్, కోలీవుడ్, బాలీవుడ్ ప్రేక్షకులు కూడా ఫిదా అయిపోయారు. 30యేళ్ల వయసులోనూ గ్లామర్ క్వీన్ గా సత్తాచాటుతున్న మిల్కీబ్యూటీ తమన్నా పుట్టినరోజు నేడు. ఈ సందర్భంగా ఆమెకి స్నేహితులు, సన్నిహితులు, సినీ ప్రముఖులు, ప్రేక్షకుల నుంచి శుభాకాంక్షలు వెలువెత్తుతున్నాయి.

‘శ్రీ’ సినిమాతో తెలుగు తెరకు పరిచయం అయింది మిల్కీ బ్యూటీ తమన్నా. హ్యాపీ డేస్, 100%లవ్ సినిమాలతో స్టార్ హీరోల సరసన నటించే ఛాన్స్ కొట్టేసింది. ఆపై తిరిగి చూసుకోలేదు. టాలీవుడ్, కోలీవుడ్ స్టార్స్ తో రొమాన్స్ చేసింది. రెండు చోట్ల స్టార్ హీరోయిన్ అనిపించుకొంది. అప్పుడప్పుడు బాలీవుడ్ సినిమాల్లో మెరిసింది. ఇప్పటికే స్టార్, యంగ్ హీరోలతో నటిస్తూ బిజీగా గడుపుతోంది. టాలీవుడ్ నుంచి వచ్చిన భారీ బడ్జెట్ చిత్రాలు బాహుబలి, సైరా సినిమాలోనూ భాగస్వామి అయింది. ఈ యేడాది ఎఫ్2, సైరా సినిమాలతో విజయాలు అందుకుంది. ప్రస్తుతం గోపీచంద్ చిత్రంలో నటిస్తూ బిజీగా ఉంది.

ఇక తమన్నా బర్త్ డే గిఫ్ట్ గా సూపర్ స్టార్ మహేష్ బాబు ‘సరిలేరు నీకెవ్వరు సినిమా నుంచి ఆమె లుక్ ని విడుదల చేశారు. ఇందులో తమన్నా ప్రత్యేక గీతంలో మెరవనున్న సంగతి తెలిసిందే. ‘ఆజ్ మేరా ఘర్ మే పార్టీ హై తు ఆజా మేరే రాజా’ అనే ఫన్నీ లిరిక్స్‌తో తమన్నా స్పెషల్ సాంగ్‌ ఉండబోతోంది. ఇటీవల అన్నపూర్ణ స్టూడియోస్‌లో ఈ పాటను షూట్ చేశారట. ప్రముఖ కొరియోగ్రాఫర్ శేఖర్ మాస్టర్ పాటకు డ్యాన్స్ కంపోజ్ చేశారు. మహేష్-తమన్నాల ఐటమ్ సాంగ్ సినిమాకే హైలైట్ గా నిలవనుందని చెబుతున్నారు.

ఇక టాలీవుడ్ లో క్లీన్ ఇమేజ్ ఉన ఏకైక హీరోయిన్ కూడా తమ్మూనే. ఆమెపై ఏ హీరోతో లింకు పెడుతూ ప్రచారం జరగలేదు. మరీ పెళ్లి ఎప్పుడు అంటే..? ఇప్పట్లో ఆ ఆలోచన లేదని చెబుతుంటుంది. 30వడిలోకి అడుగుపెట్టిన తమ్మూకి ఇప్పటికైనా పెళ్లిపై మోజు కలుగుతుందేమో చూడాలి. ఆమె పెళ్లి చేసుకున్నా.. సినిమాలు చేసి ప్రేక్షకులని ఆలరించాలని కోరుకుంటూ.. మిల్కీబ్యూటీకి పుట్టినరోజు శుభాకాంక్షలు తెలియజేస్తోంది.. మీ టీఎస్ మిర్చి డాట్ కామ్.