శ్రీలంక, ఆసీస్ సిరీస్’లకి టీమిండియా జట్లు ఎంపిక

ఈ యేడాది టీమిండియా ఆట ముగిసింది. ఒక్క వరల్డ్ కప్ తేలేకపోయిందనే నిరాశ తప్ప.. ఈ యేడాది టీమిండియా అద్భుతంగా రాణించింది. విండీస్ తో టీ20, టెస్ట్, వన్డే సిరీస్ లని గెలిచి.. ఈ యేడాదికి ఆనందంగా వీడ్కోలు పలకనుంది. ఇక వచ్చే యేడాది టీమిండియా తలపడనున్న మొదటి ప్రత్యర్థి శ్రీలంక.

టీమిండియా వచ్చే ఏడాది జనవరి 5 నుంచి శ్రీలంకతో మూడు టి20 మ్యాచ్ లు ఆడనుంది. ఇక జనవరి 14 నుంచి ఆస్ట్రేలియాతో మూడు వన్డేలు ఆడనుంది. తాజాగా ఈ రెండు సిరీస్ లకి టీమిండియా జట్లని ప్రకటించారు. గాయంతో కొన్నాళ్లుగా జట్టుకి దూరమైన బూమ్రా, ధావన్ తిరిగి ఎంపికయ్యారు.

శ్రీలంకతో టీ20 సిరీస్ కోసం భారత జట్టు :

విరాట్ కోహ్లీ (కెప్టెన్), కేఎల్ రాహుల్, శిఖర్ ధావన్, శ్రేయాస్ అయ్యర్, రిషబ్ పంత్, శివం దూబే, మనీష్ పాండే, సంజు శాంసన్, వాషింగ్టన్ సుందర్, రవీంద్ర జడేజా, యజువేంద్ర చహల్, కుల్దీప్ యాదవ్, జస్ప్రీత్ బుమ్రా, నవదీప్ సైనీ, శార్దూల్ ఠాకూర్

ఆసీస్’తో వన్డే సిరీస్ కోసం భారత జట్టు :

విరాట్ కోహ్లీ (కెప్టెన్), రోహిత్ శర్మ, శిఖర్ ధావన్, కేఎల్ రాహుల్, శ్రేయాస్ అయ్యర్, మనీష్ పాండే, రిషబ్ పంత్, కేదార్ జాదవ్, శివం దూబే, రవీంద్ర జడేజా, కుల్దీప్ యాదవ్, యజువేంద్ర చహల్, జస్ప్రీత్ బుమ్రా, నవదీప్ సైనీ, శార్దూల్ ఠాకూర్