#DeveraSantaకు పోస్ట్ చేయండి.. గిఫ్ట్స్ పొందండి !
టాలీవుడ్ సంచలనం విజయ్ దేవరకొండ క్రిస్మస్, న్యూఇయర్ లను పురస్కరించుకుని ప్రతి ఏడాది కొంతమందికి స్పెషల్ గిఫ్ట్స్ ను అందజేస్తుంటారు. 2017 నుంచి దేవరాశాంటా పేరుతో నిర్వహిస్తున్న ఈ కార్యక్రమాన్ని ఈ సారి కొంచెం స్పెషల్ గా ప్లాన్ చేశారు. ‘ఈ ఏడాది ఎవరికి ఏం కావాలంటే అవి ఇస్తా’నని ట్విట్తర్ ఓ స్పెషల్ వీడియోను పోస్ట్ చేశారు విజయ్.
“ఇది దేవరాశాంటా టైం. ఈ ఏడాది నేను డిసైడ్ అయ్యాను. మీకేం కావాలో చెప్పండి నేను వాటిని నిజం చేస్తా. కనీసం తొమ్మిది, పది మందికైనా ఇస్తాను. దీంతోపాటు అవకాశమున్నంత వరకూ ఎక్కువ మందికి ఇచ్చేందుకు ప్రయత్నిస్తాను. ఫుల్ లవ్, స్మైల్, బి హ్యాపీ, మీకేం కావాలో #DeveraSantaకు పోస్ట్ చేయండి” అని విజయ్ ప్రకటించారు. ప్రస్తుతం విజయ్ దేవరకొండ ‘వరల్డ్ ఫేమస్ లవర్’ సినిమాతో బిజీగా ఉన్నారు. ఇందులో రాశీఖన్నా, ఇజాబెల్లా, కేథరిన్ , ఐశ్వర్య రాజేశ్ హీరోయిన్స్ గా నటిస్తున్నారు. వచ్చే ఏడాది ప్రేమికుల దినోత్సవం సందర్భంగా ఫిబ్రవరి 14న ఈ సినిమా ప్రేక్షకుల ముందుకు రానుంది.
It's time again 😊
A tradition that I started in 2017.This year – you tell me what you want, I am going to make some come true 😊🤗 #DeveraSanta2019 pic.twitter.com/IUdJK9IcmD
— Vijay Deverakonda (@TheDeverakonda) December 24, 2019
