షబ్బీర్ అలీ సంచలన వ్యాఖ్యలు
తెలంగాణ కాంగ్రెస్ రెండు వర్గాలుగా విడిపోయింది. రెడ్లు, బీసీలుగా పార్టీ వీడిపోయిందని సంచలన వ్యాఖ్యలు చేశారు ఆ పార్టీ సీనియర్ నేత షబ్బరీ అలీ. గురువారం హైదరాబాద్ లో తెలంగాణ కాంగ్రెస్ కోర్ కమిటీ సమావేశం జరిగింది. అసంతృప్తులు, అలకల మధ్య సమావేశం వాడివేడిగా జరిగింది.
సీనియర్ నేత వీహెచ్ మరోసారి తనదైన శైలిలో సమావేశాన్ని హీటెక్కించారు. కోర్ కమిటీలో సభ్యులు కానివారిని కూడా సమావేశానికి పిలిచారంటూ వీహెచ్ వాకౌట్ చేశారు. ఇక మున్సిపల్ ఎన్నికలపై తాను చేసిన వ్యాఖ్యలపై టీఆర్ఎస్ నేతలు తీవ్ర విమర్శలు చేసినా… సొంత పార్టీ నేతల నుంచి సపోర్టు లేదంటూ టీపీసీసీ చీఫ్ ఉత్తమ్ కుమార్ రెడ్డి అసంతృప్తిని వ్యక్తం చేశారు.
ఇక మరో సీనియర్ నేత షబ్బీర్ అలీ మాట్లాడుతూ తెలంగాణ కాంగ్రెస్ నేతలు రెడ్లు, బీసీలు చీలిపోయారని.. రెడ్లకి బీసీలు సపోర్టు చేసే పరిస్థితి కనబడటం లేదని అన్నారు. స్వయంగా నేతలే గ్రూపు రాజకీయాలపై పెదవి విరుస్తుంటే.. ఇక వారు కార్యకర్తలకి ఏం దిశానిర్థేశం చేస్తారు ? మున్సిపల్ ఎన్నికల్లో ఏ మేరకు ప్రభావం చూపిస్తారన్నది చర్చనీయాంశంగా మారింది.
