మద్యం బాటిల్స్’తో నిర్మాతపై దాడి చేసిన హీరోయిన్

కన్నడ హీరోయిన్ సంజన బాలీవుడ్ నిర్మాత వందనా జైన్ పై దాడి చేసిన ఘటన ఆలస్యంగా వెలుగులోకి వచ్చింది. బెంగళూరులోని ఓ స్టార్ హోటల్ లో ఈ నెల 24న గ్రాండ్ మందు పార్టీ జరిగింది. ఈ మందు పార్టీ కి చాలా మంది సెలబ్రిటీలు హాజరయ్యారు. బాలీవుడ్ నిర్మాత వందనా జైన్ కూడా పార్టీలో ఎంజాయ్ చేశారు.

పార్టీలో ఒకే టేబుల్ లో హీరోయిన్ సంజన, వందనా జైన్ కూర్చున్నారు. పార్టీని బాగానే ఎంజాయ్ చేశారు. ఇంతలో వీరిద్దరి మధ్య చిన్న గొడవ. దానికి కారణమేంటీ.. ? వందనా జైన సంజనాని ఏమైనా గెలికాడా ? అన్నది తెలీదు. కానీ, చిన్న గొడవ కాస్త పెద్దదైంది. కొట్టుకొనే వరకు వచ్చింది. మద్యం మత్తులో ఉన్న నటి సంజన ఆమె చేతిలో విస్కీ గ్లాస్, విస్కీ బాటిల్ తీసుకుని వందనా జైన్ ముఖం పచ్చడయ్యేలా కొట్టింది. దాంతో ఆయన కబ్బన్ పార్క్ పోలీస్ స్టేషన్ లో ఫిర్యాదు చేశారు.

ఈ ఘటనపై సంజన కూడా స్పందించింది. వందనతో గొడవ జరిగిన మాట నిజమేనని… ఐతే, అది చిన్నపాటి గొడవేనని.. ఇప్పటికే రాజీ చేసుకున్నామని తెలిపింది. అదే సమయంలో వందనా జైన్ కు బెంగళూరులో రూ. 200 కోట్ల ఆస్తి ఎక్కడి నుంచి వచ్చిందో చెప్పాలని సంజన డిమాండ్ చేసింది. ఇదంతా అక్రమ అస్థి అని ఆరోపించింది. సంజన టార్గెట్ చేయడం చూస్తుంటే.. ఈ వివాదం ఇప్పట్లో ముగిసినట్టు అనిపించడం లేదు.

ఇక సినిమా విషయానికొస్తే.. పూరి దర్శకత్వంలో ప్రభాస్ నటించిన బుజ్జిగాడు సినిమాతో సంజన రెండో హీరోయిన్ గా నటించింది. ఆమె సినిమాలో సెకండ్ హీరోయిన్ అయినా.. మెయిన్ హీరోయిన్ రేంజ్ గుర్తింపుని తెచ్చుకొంది. ఆ తర్వాత కూడా పలు తెలుగు సినిమాల్లో కనిపించిన సంజనకి హిట్స్ మాత్రం పడలేదు.