యువ బాక్సర్’ని చిత్తు చేసిన మేరీకోమ్
యువ బాక్సర్ నిఖత్ జరీన్ ని చిత్తు చేసింది మేరీకోమ్. 51కిలోల కేటగిరిలో జరిగిన మ్యాచ్ లో మేరీకోమ్ 9-1 తేడాతో జరీన్ ను ఓడించింది. మేరికోమ్ కొత్తగా 51కేజీల కేటగిరికి మారిన సంగతి తెలిసిందే. ఆమె నేరుగా ఒలింపిక్స్ కు ఎంపిక చేయాలనుకున్నట్టు భారత బాక్సింగ్ సమాఖ్య అధ్యక్షుడు అజయ్ సింగ్ ప్రకటించారు. ఈ ప్రకటన వివాదం అయింది. ఈ నేపథ్యంలోనే ట్రయల్స్ నిర్వహించారు.
ఈ ట్రయల్స్ లో తెలంగాణ యువ బాక్సర్ నిఖత్ జరీన్ మేరీకోమ్ తో తలపడింది. కానీ ఆమె కనీస పోటీ కూడా ఇవ్వలేకపోయింది. మేరీకోమ్ ధాటికి ఆమె చేతులెత్తేసింది. ఎంతో అనుభవశాలి అయిన మేరీకోమ్ పిడిగుద్దులకు జరీన్ తట్టుకోలేకపోయింది. వచ్చే ఏడాది చైనాలో జరిగే ఒలింపిక్స్ అర్హత పోటీలకు నిర్వహించిన ట్రయల్స్ లో జరీన్ ఓటమిపాలైంది. ఈ ఘన విజయంతో ఒలింపిక్స్ కి మేరికోమ్ ఎంపికపై నెలకొన్న వివాదం తొలగిపోయినట్టయింది.
