భారీ పేలుడు.. 61మంది మృతి !

ఆఫ్రికా దేశం సోమాలియాలో భారీ పేలుడు సంభవించింది. సోమాలియా రాజధాని మొగదిషులో కారు బాంబు పేలుడు సంభవించింది. ఈ ఘటనలో 61 మంది పౌరులు దుర్మరణం పాలయ్యారు. మరో 60 మంది వరకు గాయపడినట్టు పోలీసులు తెలిపారు.

మొగదిషులో ఎంతో రద్దీగా ఉండే సెక్యూరిటీ చెక్ పాయింట్ వద్ద ఈ పేలుడు జరిగింది. ఇక్కడి పన్ను వసూలు కేంద్రం లక్ష్యంగా ఉగ్రవాదులు ఈ దాడికి పాల్పడినట్టు భావిస్తున్నారు. క్షతగాత్రులని ఆసుపత్రికి తరలించి చికిత్స అందిస్తున్నారు.