పొగమంచు ఎఫెక్ట్ : కాలువలోకి దూసుకెళ్లిన కారు.. 6గురు మృతి

దేశాన్ని చలి వణికిస్తోంది. కనిష్ట ఉష్ణోగ్రతలు నమోదు కావడంలో ప్రజలు వణికిపోతున్నారు. ఇక పొగమంచు కారణంగా ప్రమాదాలు చోటు చేసుకుంటున్నారు. ఆదివారం రాత్రి యూపీలో ప్రయాణిస్తోన్న ఓ కారు ప్రమాదవ శాత్తూ కాలువలోకి దూసుకెళ్లింది. ఢిల్లీ నుంచి దంకౌర్ వైపు వెళ్తున్న క్రమంలో కారు అదుపు తప్పి కాలువలోకి దూసుకెళ్లినట్టు పోలీసులు భావిస్తున్నారు.

పొగమంచు కమ్ముకోవడంతోనే ఈ ప్రమాదం జరిగినట్టు అంచనా వేస్తున్నారు. ఈ ప్రమాదంలో ఆరుగురు ప్రయాణికులు అక్కడిక్కడే మృతి చెందారు. మృతుల్లో ఇద్దురు చిన్నారులు ఉన్నారు. మరికొందరి పరిస్థితి విషమంగా ఉంది. క్షతగాత్రులను సమీప ఆస్పత్రికి తరలించారు స్థానికులు.