షిర్డీ సాయిని దర్శించుకున్న మహేష్

సూపర్ స్టార్ మహేష్ బాబు షిర్టీ సాయిబాబాని దర్శించుకున్నారు. ఆదివారం ఫ్యామిలీతో కలిసి ముంబై వెళ్లిన మహేష్ బాబాను దర్శించుకున్నారు. అభిమానుల తాకిడి దృష్టిలో ఉంచుకుని పోలీసులు ఆయనకి బందోబస్తు ఏర్పాటు చేశారు. మహేశ్‌ను చూసిన అభిమానులు కొందరు ఆయనతో ఫొటోలు దిగేందుకు ఆసక్తి చూపారు. మరికొందరు అభిమానులు దూరం నుంచే మహేష్ ఫోటోలు తీశారు. ఇప్పుడీ ఫోటోలో సోషల్ మీడియాలో వైరల్ అయ్యాయి.

అనిల్ రావిపూడి దర్శకత్వంలో మహేష్ నటించిన చిత్రం ‘సరిలేరు నీకెవ్వరు’. సంక్రాంతి కానుకగా జనవరి 11న ప్రేక్షకుల ముందుకు రానుంది. జనవరి 5న ఈ సినిమా ప్రీ రిలీజ్ ఫంక్షన్ జరగనుంది. ఈ వేడుకకి మెగాస్టార్ చిరంజీవి ముఖ్య అతిథిగా హాజరుకానున్నారు. ఇక ఈ సినిమా నుంచి ఐటమ్ నెంబర్ డాంగ్ డాంగ్ ఫుల్ సాంగ్ ని ఈ రోజు సాయంత్రం విడుదల చేయనున్నారు.