తారక్ కోసం ట్రై చేశా కానీ.. !

తమిళ టాప్ దర్శకుడు ఏఆర్ మురగదాస్ దర్శకత్వంలో యంగ్ టైగర్ ఎన్టీఆర్ సినిమా ఉండనుందని ప్రచారం జరుగుతున్న సంగతి తెలిసిందే. ఈ ప్రచారంపై ‘దర్భార్’ సినిమా ప్రమోషన్స్ కార్యక్రమంలో పాల్గొన్న మురగదాస్ క్లారిటీ ఇచ్చారు. గతంలో ఎన్టీఆర్ సినిమా చేసేందుకు ప్రయత్నాలు చేసిన మాట నిజమే. తారక్ కి కథ కూడా వినిపించా. కానీ, అది ఒకే కాలేదు. దీంతో ఆ సినిమా వద్దనుకున్నామని తెలిపారు.

ఇప్పట్లో మాత్రం తారక్ సినిమా చేయడం లేదు. భవిష్యత్ లో మాత్రం తారక్ తో సినిమా చేస్తానని చెప్పుకొచ్చాడు మురగ. ఇక ఆయన దర్శకత్వంలో తెరకెక్కిన సూపర్ స్టార్ రజనీకాంత్ ‘దర్భార్’ సినిమా సంక్రాంతి కానుకగా జనవరి9న ప్రేక్షకుల ముందుకు రానుంది. ఇందులో నయనతార కథానాయిక. ఇప్పటికే రిలీజైన పాటలు, టీజర్, ట్రైలర్ కి మంచి స్పందన వస్తోంది. బలమైన కథతో దర్భార్ తెరకెక్కినట్టు మురగ తెలిపారు.

ఇక ఎన్ టీఆర్ ప్రస్తుతం ఆర్ ఆర్ ఆర్ సినిమాతో బిజీగా ఉన్నారు. ఈ సినిమా తర్వాత కేజీఎఫ్ దర్శకుడు ప్రశాంత్ నీల్ దర్శకత్వంలో తారక్ సినిమా ఉంటుందనే ప్రచారం జరిగింది. కానీ, తారక్ తదుపరి సినిమా త్రివిక్రమ్ తో ఉండనుంది. దాన్ని ప్యాన్ ఇండియా సినిమాగా తీసుకొచ్చే ప్రయత్నాలు జరుగుతున్నాయని తెలుస్తోంది.